أحالت النيابة العامة المتهمين في قضية مقتل طبيب الساحل، إلى محكمة الجنايات، وحددت محكمة الاستئناف جلسة 2 من سبتمبر المقبل، لبدء محاكمة المتهمين، أحمد شحتة طبيب بشري، والمحامية إيمان، وأحمد فراج.
مقتل طبيب الساحل
ذكرت التحقيقات أن المتهم أحمد شحتة، قال عن سبب إعداده الحفرة داخل العيادة الخاصة التي استخدمها في دفن الطبيب المجني عليه، أسامة المجني عليه، إنه فكر في شهر رمضان في حفر صندوق خشبي تحت الأرض من أجل تخزين كمية من الأدوية، لعلمه مسبقًا أن أسعارها سترتفع مع ارتفاع الدولار.
طبيب الساحل
أضاف المتهم أمام النيابة: «لما يغلى الدوا هبيعها وأكسب فيها، وكنت بشتري الأدوية دي من شركة كبيرة وهي عبارة عن أقراص مسكنات وحقن كورتيزون طويلة المفعول مش فاكر اسمها».
وتابع المتهم في اعترافاته: «كلمت اللي اسمه أحمد فرج وقولتله يجيلي على عيادة الخلفاوي وقولته احنا هنعمل حفرة طولها 1،70 سم × عرض 80 سم وعمق 50 سم في أوضة في العيادة عشان هنخزن فيها أدوية، وفعلا ابتدينا نكسر البلاط اللي في أوضة وكسرنا البلاط بمسطرين وحفرنا بالمسطرين برضوا وطلعنا الردش بتاع الحفر والبلاط اللي متكسر بالمسطرين، واشترينا أشولة وعبينا فيها الردش والبلاط وحطيناها في البلكونة واشترينا شيكارة أسمنت، ومحرنا المستطيل ده داير مايدور بالأسمنت، وكان في باب في الشقة قديم بالحلق بتاعه وقصيت القايم بتاعه بصفيحة منشار عشان يبقى عرضه على قد نفس عرض الحفرة».
أشار المتهم في أقواله إلى أنه اشترى 20 كرتونة من دواء Epizolon من أحد المندوبين الذين يتعمل معهم، وتابع : «بعد ما خلصت الحفرة على طول وخزنته في الحفرة وبعتهم بعديها بشهر بحوالي 12 ألف جنيه، وجبت حوالي ألف جهاز وريد من القصر العيني بألفين جنيه وبعدها بشهر بعتهم بحوالي أربعة آلاف جنيه، وفي منتصف شهر مايو 2023 أحمد فرج أجر شقة في منطقة أبو وافية عشان كان فيه حد قريبه هيتعالج في معهد ناصر، واللي كان هييجي مع الحالة كان هيقعد في الشقة دي فعلا، أجرها بس مش متذكر هو أجرها لمدة قد ايه».
تابعوا آخر أهل مصر على Google News
