شقيقة سائق أوبر المتسبب بواقعة فتاة الشروق:" أخويا مش سوابق ومخطفهاش"

قالت هبة هاشم شقيقة سائق أوبر متهم واقعة فتاة الشروق، إن شقيقها عمره ٣٤ عاماً ولديه ٣ أبناء و زوجة معقبة: "عندنا جامع في البيت احنا مش ناس وحشة ".

وأضافت هبة هاشم ، عبر مداخلة هاتفية لبرنامج " الحكاية " مع الاعلامي عمرو أديب والمذاع على فضائية " ام بي سي مصر ": "محدش بيخطف حد بعربية ملاكي بتاعته عليها أقساط وشغال على برنامج بقاله ٧ سنوات".

وتابعت:" معندوش أي سوابق قبل كده والبرنامج عمله فيش وتشبيه وبيشتغل مع دكتور ممتاز ومعروف شهد معانا، وقال بركب زوجتي وأولادي معاه".

وأكدت:" كل اللي حصل سوء تفاهم ويتمنى لها الشفاء والمحامي بتاعه متابع الإجراءات ومستنينها تتكلم وتنطق" .

واختتمت حديثها قائلة" ليه ترمي نفسها الرمية دي من العربية ضيعت نفسها وضيعت أخويا معاها".