قضت محكمة جنايات شبرا الخيمة، اليوم الثلاثاء، بتأجيل أولى جلسات محاكمة المتهمين بقتل الصغير أحمد محمد سعد، وذلك لسرقة أعضائه وبيعها على مواقع الـ دارك ويب في القضية المعروفة إعلاميًا بـ قتل صغير شبرا الخيمة لحين سماع الخبير الاجتماعي.
شقيقة أحمد صغير شبرا الخيمه ضحية 'الدارك ويب': 'أخده معاه في توك توك ولما وصلوا البيت، الولد كان خايف قاله لا اهدى متخفش وشربه عصير وضع فيه شريط مخدر كامل وقاله اقعد اتفرج على الكرتون، ولما نام بدأ يقلع الولد ملابسه وتواصل مع الولد الكويتي في الخارج وبعدين شرّح الطفل من الرقبة لغاية أسفل البطن والظهر وشرح الوجه واخذ عين، ومعرفش يطلع القلب، وبعدين خرج الأمعاء ووضعها في جردل، وكان على وشك بذبحه من رقبته'.
وانهارت شقيقة أحمد من البكاء، وعقبت: 'القاتل كان رايح يصطاد عيل تاني ويعمل فيه زي ما عمل في أحمد، أنا معرفوش ولا لينا صلة بيه واللي أعرفه إنه كان شغال في قهوة وبيحاول يستدرج أطفال الحتة بيشتري ليهم حلويات، لكن من سوء حظ أخويا هو اللي وقع'.
وتابعت: 'أخويا كان جدع وعمره ما بيقصر مع حد، هو ليه عمل كده هو معندوش قلب، حسبي الله ونعم الوكيل، عمرنا ما اتحوجنا لحد احنا ناس في حالنا وعايشين على قدنا وحامدين ربنا وعمرنا ما حد قالنا كلمة غلط في حقنا'.
وكان قسم أول شبرا الخيمة، تلقى بلاغًا من الأهالي بالعثور على جثة فتى مقتول داخل شقة سكنية بدائرة القسم.
وانتقلت قوة أمنية لمكان الواقعة، وبالمعاينة والفحص تبين أن الجثة لفتى يدعى أحمد محمد سعد، 15 عامًا، مقيم منطقة الفيلا بدائرة قسم ثان شبرا الخيمة، عاريًا على سرير وبه جرح طعني بالطول بداية من الرقبة إلى نهاية البطن، داخل شقة سكنية بعزبة عثمان دائرة القسم.
وأسفرت التحريات أن المجني عليه مبلغ باختفائه، الاثنين الماضي 15/4/2024، بقسم ثان شبرا الخيمة، وتبين من التحريات أن شخص يدعى طارق قام باستدراج الطفل يوم الاختفاء إلى شقة سكنية استأجرها بعزبة عثمان وقام بذبح الفتى.
تابعوا آخر أهل مصر على Google News
