قال الرئيس عبد الفتاح السيسي، للمصريين، خلال افتتاح مجموعة من المشروعات القومية بالإسكندرية: ' ازاي هنزيل مليون مبنى مخالف.. خلونا ناخد خط ونقف. والله وانا جاي بالطيارة فيه ناس بتتعدى وبتبني.. حجم المباني بالطريقة دي انتوا مش هاممكو بلدكوا ولا مستقبل أولادكوا عشان تعمل فيها كدة'.
افتتاح محور المحمودية
ووجه الرئيس السيسي حديثه للمسئولين عن الدولة: هقول حاجة ومحدش يزعل.. يا رجال مظبوطين يتصدوا لقضاياهم مضبوط يا حاجة تانية فاللي مش قادر مش وقته واللى خايف مش وقته'.
وتابع الرئيس: 'احنا جبنا معدات تكفي إننا نزيل الأمر ده، وهننزل على القرى ونبيد كل ده، ولو الناس مش عاجبها تبقى تستفي إننا نسيب المكان ونمشي'.
وأضاف الرئيس السيسي: 'كفاية كدة خلونا نصلح اللي حصل ونحافظ على الباقي من أرضنا، أنا بشوف العجب من الطيارة اللى بيحصل في بلدنا'.
وتابع 'لو سمحتم متخربوش بلدكم والله العظيم دة خراب لدولة وما حد بيعمل كدة.. الامر لله ثم لينا كلنا وأنا لا يمكن أبدا اسمح بدة، ودي رابع مرة أقولها التجاوز في المخالفات كان مقبول بيه في 2011 بسبب ظروفنا الأمنية ساعتها وقلنا من 2016 و2017 هنقف واديت صلاحيات للمحافظين ودلوقتي ادتهم صلاحيات أكتر عشان نقف عن مخالفات البناء'.
جاء ذلك خلال افتتاح الرئيس عبد الفتاح السيسي، صباح اليوم السبت، مجموعة من المشروعات القومية بنطاق محافظة الإسكندرية، منها مشروعات خاصة بقطاع البترول، وكذلك مشروع 'بشاير الخير ٢ للإسكان'، ومحطة معالجة الصرف الثلاثية ببرج العرب، ومشروع تطوير محور المحمودية .
تابعوا آخر أهل مصر على Google News
