هاني رمزي: «محصلش اني حبيت بنت من ديانة أخرى.. كان مجرد إعجاب ودا عادي»

كشف النجم هاني رمزي، إنه كان كثير الإعجاب بالبنات والفتيات لكن لم يصل الأمر إلى درجة الحب، متابعًا: 'كنت ماشي أحب على روحي'.

وعن وقوعه في حب فتاة من غير دينه، عقب 'رمزي'، في تصريحات تلفزيونية على فضائية 'القاهرة والناس'، قائلًا: 'محصلش قبل كدا ولا مرة.. كان بيحصل إعجاب ودا شيء عادي، لكنه عمرها ما وصلت للحب'.

علاقة هاني رمزي بالفتيات

وأضاف، قائلًا: 'مفيش واحدة قالتي مش عايزة اتجوزك.. سوري دا مش غرور بس محصلش نصيب، أنا كنت زمان بحب كتير اوي، كنت بحب على روحي وانا ماشي، أنا بحب أصادق البنات لكن مكنش حب كان مجرد إعجاب'.

وعن عمل جزء ثاني من فيلم 'غبي منه في'، أكد الفنانة نيللي كريم كثيرة الإلحاح عليه لعمل جزء ثاني من 'غبي منه فيه'، قائلًا: 'نيللي كريم قاعدة بتزن عليا نعمل غبي منه فيه جزء ثاني، ولما عملت الفيلم معايا كانت نجمة، ومفيش جيل في السينما المصرية يعوض الجيل بتاعنا'.

دخول هاني رمزي مجال الإنتاج

وعن تركه لمجال التمثيل والعمل في الإنتاج الفني، أوضح أنه سينتج لفنانين كوميديا لحاجة الناس إلى الكوميديا، مضيفا: 'الناس محتاجة لكوميديا وفي وأشد الحاجة للضحك، والنهاردة في الظروف الحالية بندور على حاجة ترفع الروح المعنوية للناس، ولو هنتج هجيب حمدي الميرغني وتوته وعلي ربيع وأوس أوس'.