دعا الرئيس السيسي الإعلام إلى تسليط الضوء على المشروعات التنموية الضخمة الجديدة وبالأخص مشروعات الزراعة الجديدة، وتسائل: «الـ3.5 مليون فدان دول، ووزير الزراعة يرد عليَّ، هل مصر عملت برنامج لـ3.5 مليون فدان في 40 سنة فاتت؟ احنا بنتكلم بما يرضي الله، ماقصدش حاجة، وفيه فرق أعمل تغطية إعلامية مناسبة وتغطية كمان لشبابنا يشوفوا».
افتتاح مصانع الأسمدة الأزوتية التابعة لشركة النصر للصناعات الوسيطة في العين السخنة
وأضاف الرئيس السيسي، خلال كلمته في افتتاح مصانع الأسمدة الأزوتية التابعة لشركة النصر للصناعات الوسيطة في العين السخنة، وبثته «إكسترا نيوز»، «انتوا عارفين عشان نعمل موضوع الدلتا الجديدة ووسط سيناء، احنا عملنا معالجة مياه صرف صحي كانت بتلقي في المنزلة، عملنا محطات بحر البقر والمحسمة، عشان ناخد المية دي في محطات رفع».
وتابع الرئيس السيسي: «إوعوا تفتكروا إن ده تكلفة اقتصادية، طب حد يقول لك المطورين يخشوا يعملوا ده، طب احنا عملنا، عملنا العبء الأكبر، الأرض بقت موجودة، اللي عايز يتعاقد ماعندناش مشكلة، بنتكلم عن زراعة حديثة وري حديث».
وقال الرئيس: «من حق الناس تشوف اللي بيتعمل، لأنه أرقام مالية هائلة بفضل الله، ثم جهد الناس.. احنا عايزين نوري الكلام ده للناس كلها في مصر؛ عشان الناس تعرف إن فيه جهد كبير جدًّا عشان نقلل فجوة الغذاء، لكن يظل النمو السكاني تحديًا كبيرًا».
تابعوا آخر أهل مصر على Google News
