في حادثة جديدة تذكرنا بما حدث مع الفتاة الراحلة حبيبة الشماع، شاركت حبيبة محمد، مصممة الأزياء، تفاصيل تعرضها لمحاولة اختطاف من قبل سائق عبر تطبيق إندرايف.
وقالت في منشور لها عبر صفحتها الرسمية على موقع التواصل الاجتماعي «فيسبوك»: «أنا مصدقتش إني ممكن أتحط في الموقف دا في يوم من الايام بس امبارح و انا راجعة من الشغل طلبت اندرايف و من ساعة ما طلبت و هوا كان غريب و قالي ربع ساعة و هجيلك و هوا كان علي gps قريب جدا و من ساعة مركبت و هوا مش مظبوط و عمال يعمل حجات غريبة».
وأضافت: «كان بيكلم ناس غريبة ومتابع مع واحد في الموبيل يقولو انا دخلت كذا قابلني في الحته دي ومتاكدة انه كان شارب حاجة و كان مش مظبوط و قفل كل الشبابيك».
وتابعت: «اول مطلعنا في طريق الصحراوي و فضل مطلع راسة من الشباك الجمبه الوحيد السايبه مفتوح و انا متاكدة ان رش حاجة في العربية عشان كان في ريحة غريبة جدا، وأنا كنت ابتديت ادوخ و وشي كلة نمل و مكنتش شايفة كويس».
وأكملت: «اتصرفت بسرعة و فتحت الباب وهو ماشي و قعدت ازعق و قولتلو ينزلني و اني عاملة شير لوكيشن لبابايا ونزلت جريت علي الطريق و هوا اتوتر و مشي».
واختتمت: «فا خالو بالكو ان محدش يركب معاه و هوا طلع مبدأش الرحلة اصلا، انا نفسي افضحة عشان حرام بنت تتحط في نفس الموقف المرعب دا».
تابعوا آخر أهل مصر على Google News
