تداول رواد مواقع التواصل الاجتماعي منشورًا كتبه طفل يُدعى يونس هشام عبر صفحته على «فيس بوك»، عبّر فيه عن حزنه بسبب ما تعرض له والده، مطالبًا بمساندته ومساعدته في الحصول على حقوقه.
وكتب الطفل في منشوره: «السلام عليكم.. أنا اسمي يونس هشام يونس، في 3 إعدادي، بابا اسمه هشام يونس علي، كويس جدًا وطيب وراجل أوي وجدع، محتاجكم تساعدوا بابا عشان أجيب حقه».
وأضاف: «بابا شغال في شركة يونيون إير، ما شوهوه هو وصحابه ومخدوش حقهم، أنا مضايق أوي عشان بابا ميستهلش كده، هو بيعمل كل حاجة عشاني أنا وأختي».
وتابع الطفل في منشوره: «ممكن للي يشوف البوست ده يعمل شير.. عايز أجيب حق بابا، أنا مش هينفع أحط رقم بابا عشان ميزعلش مني، مع إني عارف إنه هيزعل مني على اللي أنا كتبته، واللي عايز رقم بابا يبعتلي على الخاص.. والنبي ساعدوني أجيب حق بابا».
ولاقى المنشور تفاعلًا واسعًا بين مستخدمي مواقع التواصل الاجتماعي، الذين عبّروا عن تعاطفهم مع الطفل ووالده، مطالبين ببحث شكوى العاملين بالشركة.
تابعوا آخر أهل مصر على Google News
