مصطفى كامل يرد على أزمة الفيديو: أهل الشرقية إخواتي وحبايبي.. وحديثي كان عن انتخابات النقابة

رد الفنان مصطفى كامل على الاتهامات الموجهة إليه بالإساءة إلى أهالي محافظة الشرقية، مؤكدًا أن الفيديو المتداول تم اجتزاؤه من سياقه، وأن حديثه كان يدور في إطار تحقيق نقابي يتعلق بانتخابات أحد فروع نقابة المهن الموسيقية، وليس موجهًا لأبناء المحافظة.

وقال مصطفى كامل: "أهل الشرقية إخواتي وحبايبي، وميصحش الموضوع يتاخد بشكل عام، في النهاية ده كان تحقيق مع عضو مجلس إدارة يخص فرعًا للنقابة، وما تم تحريفه داخل الفيديو واجتزاؤه يبين سوء النية والتلاعب".

وأضاف: "أنا كنت بتكلم في إطار النقابة، إيه علاقة المحافظة بالموضوع؟ وليه يتم خلط الأمور بالشكل ده؟ أنا عمري ما غلطت في حد غير الحرامي، وأنا بحب كل شبر في مصر وكل زملائي".

وكان مقطع فيديو قد انتشر عبر مواقع التواصل الاجتماعي، قال خلاله مصطفى كامل : "يعني إيه الشرقية دي اللي كلها طبل وزمر، اللي بتخشوا تبصموهم في الانتخابات زي الإخوان، الشرقية اللي بتتدور زي الغنم دي في الانتخابات، أقسم بالله ما هسيبها الفترة اللي أنا قاعدها دي، ولازم الكلام ده ينتهي ، والكلام دا هيمشي على أتخن شنب هناك أولهم خالد بيومي ". في إشارة إلى نقابة الموسيقيين بالشرقية ورئيسها

كما وجه حديثه إلى أحد الأشخاص خلال المقطع قائلًا: "لما كنت بتشوفه عمال ياخد الناس ويبصمها، أنت عملت له إيه؟ كنت راجل حق قدام ربنا؟ مش أنت عارف هي بتتدار عندكم إزاي؟".