أخطاء تسبب التسمم الغذائي في الحر.. احذر منها

حذرت الدكتورة مي صلاح، أستاذ التغذية بالمعهد القومي للتغذية، من الإصابة بالتسمم الغذائي، بسبب ارتفاع درجات الحرارة.

وأوضحت أستاذ التغذية بالمعهد القومي للتغذية، خلال حوار مع الإعلامية مروة شتلة، بحلقة برنامج "البيت"، المذاع على فضائية "الناس": "لو احنا عايزين نحمي نفسنا من التسمم الغذائي، علينا اتباع قواعد سلامه الغذاء يعني اغسل ايدي كويس قبل ما احضر الاكل، ولازم الاسطح تكون نظيفه، وكمان اقلل عدد المرات اللي باكل فيها من بره احاول على قد ما اقدر، واختار أماكن موثوقة".

وتابعت: "لما اجي اخد بالي من الأكل لازم الحفظ يكون في درجة حرارة مناسبة يعني في الشتاء ممكن نعمل الأكل نسيبه بره شويه على البوتاجاز لكن هنا الحر ضروري جدا ان الحاجه ممكن تفسد بسرعه خارج الثلاجه او الفريزر فدي حاجات مهمه جدا لازم نخلي بالنا منها اخلي بالي قوي لو في اي تغير في شكل الفاكهه في شكل الخضار ابتدت تدبل ابتدى يحصل تغير في اللون بتاعها ماشلش الحته الجزء البسيط ده وابتدي اكمل على ان هي سليمة بتكون ضربت كلها م خلاص هي مصابه يعني هي هي مصابه فانا حتى لو شلت الجزء ده باقي الفاكهه اللي انا شايفاها بعيني دي كويسه".

وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.

وتبث قناة الناس عبر تردد 12054 رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.