حصلت 'أهل مصر' على نص الاعترافات الكاملة للمتهم 'إبراهيم خ. س. ز'، 33 سنة، والذي أقدم على قتل ابن عمه أثناء وضوئه لأداء الصلاة داخل المسجد، في عزبة الشيخة عائشة التابعة لقرية سنهور المدينة بمركز دسوق بمحافظة كفر الشيخ، الذي أدلى بها أمام جهات التحقيق حول الواقعة.
المتهم بقتل ابن عمه أثناء جلسة محاكمته
نص اعترافات المتهم بقتل ابن عمه بعد إحالته للمفتي
وتنفرد 'أهل مصر' بنشر أقوال المتهم بقتل ابن عمه، أمام جهات التحقيق، والتي جاءت كالتالي:
س: ما قولك فيما هو منسوب إليك من أنك متهم بقتل المجني عليه ميمي مبروك علي زهران، عمدًا مع سبق الإصرار بأن بيت النية وعقدت العزم علي قتله وأعددت لذلك الغرض سلاح أبيض 'مطواة'، وما أن ظفرت به بمسجد الرحمن حتى قمت بطعنه باستخدام السلاح المبين سلفًا محدثًا إصابته الموصوفة بمناظرة النيابة العامة والتي أودت بحياته قاصدًا من ذلك إزهاق روح المجني عليه علي النحو والكيفية المبينة بالتحقيقات.
ج/ أنا غلطان بس أنا مش قاصد أقتله.
س: ما هي تفاصيل إقرارك؟
ج/ اللي حصل إن يوم 3-7-2022 كشفت على عيني وروّحت علشان تعبان وكان ساعتها مراتي وابني بيغسلوا الجاموسة بتاعتنا جنب جامع الرحمن، وبعدها لقيت ابني راجع البيت قولت له اطلع شوف شغل الغيط وفعلًا ابني خرج وبعدها بفترة لاقيت أهالي البلد جايين بيقولوا إن ابني أغمي عليه فمراتي طلعت تجري تشوف فيه إيه وبعد كده سمعت صوت عالي جي من بره روحت علشان أشوف فيه إيه لقيت البلد كلها متجمعة ومراتي منهارة وابني مضروبين من 'ميمي مبروك على زهران' وأنا ساعتها أخدتهم وروّحت وبعد كده طلعت بيهم على مستشفى دسوق العام وعملت لهم تقريرين طبيين وحررت محضر بالواقعة، وبعد كده أنا روحت البيت ومكونتش عارف أنام ولا أكل أي حاجة ومش قادر أني أرفع عيني في وش مراتي أو وش الناس بسبب أن مراتي وابني انضربوا وأنا مخدتش حقهم.
وأوضح المتهم في اعترافاته، أنه بعد ذلك تدخل بعض الأشخاص للصلح بينه وبين ابن عمه المجني عليه، وطلبوا منهما الإمضاء على إيصالات أمانة ضمانًا لجلسة عرفية بينهما، ولكنه رفض الإمضاء ووقع شخص آخر بدلًا عنه.
وتابع: بعد كده أنا سيبتهم ومشيت وأنا في طريقي مروّح شوفت ميمي مبروك على زهران قاعد في فرح فحسيت بقهرة ووجع في نفسيتي إني إزاي أنا مكسور بالشكل ده وهو قاعد في فرح وبينبسط واتمنيت ساعتها إني أقتله وجات لي الفكرة لأول مرة بعد كده أنا وصلت بيتي ودخلت أوضة النوم ولقيت ابني بينادي عليا وبيطلب مني فلوس وأنا من إحساسي بالكسرة مقدرتش أبص في عينه وقولت له الفلوس في الشنطة خد اللي أنت عايزه وقعدت لوحدي نصف ساعة وفضلت أفكر إزاي أرجع حقي وشكلي يرجع قدام الناس.
وأضاف المتهم في اعترافاته أمام جهات التحقيق، أن الشخص الذي وقّع وصل الأمانة بدلًا عنه حاول إقناعه بالصلح، وتابع: 'تاني يوم 4-7-2022 أخدت مراتي وابني الصبح عشان نعمل التقريرين الطبيين الخاصيين بهم، فمراتي قالت لي أنها هتنزل الأول تأكل الطيور فأنا سيبتها تنزل وطلعت من البلكونة ولقيت كذا ست من البلد واقفين مع مراتي وقالوا لها ماتسكوتيش علي حقكم عشان شكلكم بقي وحش، حسيت اللحظة دي إن أنا مليش لازمة ومبقتش عارف أتعامل بصورة طبيعية مع أهل بيتي وأخدت مراتي وابني وروحنا المستشفى وكملنا التقريرين ودخلت للمختص عشان أدفع الفلوس ولما رجعت لمراتي لقيتها مجبسة ذراعيها الاتنين واللحظة دي كانت صعبة عليا قوي وحسيت بقهرة أكبر وبدأت أفكر إزاي أجيب حقها وخصوصًا لما روحت وسمعت كلمة 'أنا مش عاوزة حد يشوفني بالمنظر ده' من مراتي.
وتابع المتهم في اعترافاته: 'يوم الواقعة وأنا داخل أصلي المغرب وداخل الحمام علشان أتوضى لقيت ميمي مبروك طالع من حمام الجامع وأنا ساعتها الدم فار في دماغي بسبب الحالة النفسية اللي أنا حكيت عليها واللي كنت واصل ليها بسبب الضغط النفسي اللي اتعرضت له وساعتها أنا محستش بنفسي وطلعت المطواه من جيبي وضربته كذا ضربه على رقبته وسيبته ومشيت وهو فضل واقف زي ما هو وخرجت من الجامع'.
إحالة أوراق المتهم بقتل ابن عمه لفضيلة المفتي
وكانت قضت محكمة جنايات فوه، الدائرة الثالثة، حضوريًا وبإجماع آراء أعضائها، بإحالة أوراق المتهم بقتل ابن عمه أثناء وضوئه قبل أداء الصلاة شهر يوليو من العام الماضي، بعزبة الشيخة عائشة التابعة للوحدة المحلية لسنهور المدينة بمركز دسوق بمحافظة كفر الشيخ، لفضيلة المفتي لأخذ الرأي الشرعي في عقوبة إعدامه، وحددت المحكمة جلسة يوم 12 يوليو للنطق بالحكم علي المتهم.
صدر الحكم برئاسة المستشار محمد حسين المُر، رئيس المحكمة والدائرة الثالثة، وعضوية المستشارين خالد رمضان جعفر، أحمد محمد خضر، وسكرتارية إبراهيم جمعة، وذلك في أحداث القضية رقم 10734 لسنة 2022 جنح مركز دسوق والمقيدة برقم 3055 لسنة 2022 كلي كفر الشيخ.
إحالة المتهم للمحاكمة
كان المستشار سعود محمد نجيب، المحام العام لنيابة كفر الشيخ الكلية قد أحال 'إ.خ.س.ز'، 33 سنة، مقيم جماجون مركز دسوق بمحافظة كفر الشيخ للمحاكمة؛ لإجراء محاكمته عما أُسند إليه من اتهام.
وتبين من أمر إحالة المتهم لمحكمة جنايات فوه أنه في يوم ٢٠٢٢/٠٧/٠٤ بدائرة مركز دسوق بمحافظة كفر الشيخ قتل المجنى عليه 'م.م.ع.ز' عمدًا مع سبق الإصرار بأن بيت النية وعقد العزم على قتله وأعد لذلك سلاحًا أبيضًا (مطواة )، وتوجه إلى حيث أيقن تواجده بداخل المسجد محل الواقعة وما أن ظفر به حتى وجه إليه عدة ضربات بسلاحه الأبيض استقرت إحداها بمنطقة الصدر فأحدث إصابته الموصوفة بتقرير مصلحة الطب الشرعى والتى أودت بحياته قاصدًا من ذلك إزهاق روحه على النحو المبين بالتحقيقات، كما أحرز سلاحًا أبيضًا - مطواة - دون مسوغ قانوني.
تابعوا آخر أهل مصر على Google News
