تباينت آراء المواطنين بالنسبة لزيادة مدة تخفيف الأحمال الكهرباء وانقطاع التيار الكهربائي لمدة ساعتين بدلا من ساعة واحدة مثل ما قرر مجلس الوزراء خلال شهر أغسطس، ورصدت عدسة جريدة 'أهل مصر' مدى تأثير مدة تخفيف الأحمال وانقطاع التيار الكهربائي علي أهالي الفيوم.
استطلاع راي أهالي الفيوم عن تخفيف الاحمال الكهرباء
خسائر تخفيف الأحمال بالفيوم
وقال أحمد مجدي صاحب محل كاوتش وقطع غيار سيارات، لـ'أهل مصر' معربا عن غضبه: 'شغلي كله قائم على الكهرباء وكل يوم يقطعون الكهرباء أكثر من ساعتين في أوقات مختلفة غير معروفة والعميل دائما يكون مستعجل وأنا مش بيكون في إيدي حاجة أعملها مش عارفين تشوف شغلنا ومش لاقيين حاجة نعملها'.
استطلاع راي أهالي الفيوم عن تخفيف الاحمال الكهرباء
عدم القدرة على دفع الرواتب
وقال: مش قادر أوفر مرتبات العاملين بسبب قلة العمل عايزين نطلع يومية الصنايعية اللي شغالين معاديا لأن كل الأجهزة عندي شغاله علي الكهرباء زي جهاز الفك والتركيب جهاز النيتروجين وجهاز الهواء عايزين حل عشان نقدر نشتغل وآخر الشهر ندي الرواتب للعمال لو الكهرباء قطعت عاير تركيب كوتش مقدرش'.
وأضاف صاحب محل تصليح كوتشان السيارات: 'تم حرق موتور الثلاجة عندي في البيت وحرق الغسالة والثلاجة عند شقيقتي وإتلاف التكييف عند أختي الثانية'.
استطلاع راي أهالي الفيوم عن تخفيف الاحمال الكهرباء
ارتفاع نسبة الجرائم وخاصة السرقة
وقال أحمد مجدي: 'انقطاع التيار الكهربائي يساعد علي زيادة الجريمة وخاصة سرقة الأجهزة المحمولة بسبب الظلمة وكمان بسبب تعطيل الكاميرات في المحل كانت تساعد المارة لو حد سرق منهم حاجة'.
وأضاف: في فتاة تم سرقتها بالفعل أثناء مرورها من أمام المحل أمام أعين الجميع من أحد ركاب الدراجات البخارية ورغم وجود لوحة أرقام لم يتمكنوا من الإمساك بالسارق بسبب عطل الكاميرات الناتج من انقطاع الكهرباء وفي المحل المجاور المراوح انفجرت بسبب التيار العالي للكهرباء إضافة لحرق بعض المواتير والذي يبلغ ثمنه ١٦ ألف جنيه ورغم ذلك أكد أنه مستعد يدفع الضعف للكهرباء علي أن لا يتم قطعها'.
تابعوا آخر أهل مصر على Google News
