خال اللاعب الراحل أحمد رفعت: كل من له علاقة بما حدث له لابد أن يتم محاسبته

قال الحاج عبد السلام، خال كابتن أحمد رفعت، لاعب نادي مودرن سبورت، الذي وافته المنية يوم السبت الماضي، إن الأسرة كلها تعيش في حالة كبيرة من الحزن بعد رحيل كابتن أحمد رفعت، وأنهم يطالبون بمحاسبة كل من كان له علاقة بما حدث له.

وتابع خال كابتن أحمد رفعت في تصريح خاص لـ 'أهل مصر' أن كابتن رفعت أخبره بأن النادي طلب منه أن يسافر وأنه سيتم عمل تصريح السفر له، قائلًا: 'أحمد قال لي فيه لاعيبة بتعمل تصاريح وبتسافر، والنادي بتاعي قوي وهو قال لي روح وإحنا هنعمل لك التصريح، عشان كده أحمد سافر'.

ويكمل: 'مقدرش أقول مين المتسبب في اللي حصل لأحمد، ولكن مفيش لاعب يقدر ينتقل من نادي لنادي إلا بتعاقد رسمي، أحمد كان طالع بتعاقد احترافي لنادي إماراتي، وفيوتشر قبض فلوس بالدولارات عشان أحمد يطلع للنادي التاني، وأي حد قال له هعمل لك التصريح ومعملوش لازم يتحاسب، واللي ميقدرش يعمل حاجة ميبقاش يتدخل فيها'.

ويضيف بالقول: نطالب بحق كابتن أحمد رفعت، لا نحتاج لأموال، ولكننا نطالب بحقه المعنوي، كل من له علاقة بما حدث لأحمد رفعت لابد أن يأخذ جزاءه ويتم محاسبته، قائلًا: 'أحمد كتم في نفسه اللي كان بيحصل له، وده أثر في نفسيته وحياته كلها، وهو مكانش بيعمل أي مشاكل'.