قالت 'نداء ح ا' في العقد الثاني من العمر، الزوجة المتهمة بالتعدي بالضرب المبرح على حماتها في محافظة الشرقية أمام جهات التحقيق 'أنا مريضة نفسيًا بقالي فترة ولما ضربتها مكنتش أقصد أعمل كده وندمانة على اللي عملته'.
وأضافت المتهمة في اعترافاتها قائلة: 'سبب المشكلة، إني كنت بسأل حماتي بقولها هي فين الفلوس اللي جوزي بيبعتها، قالتلي أنا معرفش حاجة، عايزة تعرفي روحي أسألية'.
المتهمة بضرب حماتها تنهار أمام النيابة
وكانت 'أهل مصر' قد أجرت بثا مباشر مع ضحية اعتداء زوجة ابنها قائلة، إن نجلها 'علي' بعدما سافر للخارج من أجل العمل وسد احتياجات المنزل، ترك زوجته وابنته صاحبة الـ4 أشهر معها في المنزل ولا يوجد سواها.
الضرب على سلم العمارة
وأضافت الأم، ضحية زوجة ابنها، إن الزوجة ضربتها بسبب موسم 'عاشورا' وتعدت عليها بالضرب وهي تجلس على سلم العمارة أمام والدتها، التي حاولت إبعاد ابنتها، متابعة: 'زوجة ابني عملت مشكلة معايا عشان مجبتش ليهم موسم عاشوراء أيام ما كانت مخطوبة من سنة ونص وهي دلوقتي بقيت زوجة ابني وعندها طفلة'.
وتابعت: 'زوجة ابني مش طبيعية كل شوية مشاكل، وأنا ممشية الدنيا عشان بيت ابني ميخربش، لكن بعد اللي حصل أنا خوفت منها ومآمنش أقعد معاها تاني في بيت واحد'.
ابني نزل من السفر
وأكملت: 'ابني مركب كاميرا في البيت ومربوطة بتليفونه، وعلم بالواقعة لما شاف اللي حصل في الفيديو وشاف مراته وهي بتضربني، وبعدها كلمني عشان يسألني على اللي حصل وكان مضايق، ونزل من السفر'.
وأردفت: 'أول ما نزل قعد يعيط وخدني في حضنة ويبوس رجلي، وأنا مسامحة عشان خاطره بس أنا عايزة حقي منها'، متابعة: 'كنت بخبي على ابني اللي بتعمله فيا وأقول مع الأيام هتتعدل وابني يبعتلها كل شهر مصاريف ليها ولعلاج بنتها ومصاريف ليها، وكنت بشقى عشان مخلهاش محتاجة حاجة'.
تابعوا آخر أهل مصر على Google News
