أول قرار من النيابة بشأن واقعة اعتداء زوجة على حماتها في الشرقية

أصدرت نيابة ديرب نجم في محافظة الشرقية، منذ قليل، قرارًا بتوقيع الكشف الطبي على السيدة ضحية اعتداء زوجة ابنها عليها بالضرب المبرح إلى مستشفى ديرب نجم المركزي وذلك لبيان مدى تأثير الضربات عليها.

واقتادت الأجهزة الأمنية في مديرية أمن الشرقية، السيدة المعتدى عليها لإجراء الكشف الطبي عليها لبيان مدى تأثير الضربات عليها.

المتهمة بضرب حماتها

المتهمة بضرب حماتها بالشرقية: "أنا مريضة نفسيًا وندمانة"

وكانت أدلت 'نداء. ح. ا' في العقد الثاني من العمر، الزوجة المتهمة بالتعدي بالضرب المبرح على حماتها في محافظة الشرقية أمام جهات التحقيق، قائلة:, 'أنا مريضة نفسيًا بقالي فترة ولما ضربتها مكنتش أقصد أعمل كده وندمانة على اللي عملته'.

وأضافت المتهمة في اعترافاتها: 'سبب المشكلة، إني كنت بسأل حماتي بقولها هي فين الفلوس اللي جوزي بيبعتها، قالتلي أنا معرفش حاجة، عايزة تعرفي روحي اسأليه'.

ضربتها على سلم العمارة

وكانت 'أهل مصر' قد أجرت بثا مباشر مع ضحية اعتداء زوجة ابنها قائلة، إن نجلها 'علي' بعدما سافر للخارج من أجل العمل وسد احتياجات المنزل، ترك زوجته وابنته صاحبة الـ4 أشهر معها في المنزل ولا يوجد سواها.

وأضافت الأم، ضحية زوجة ابنها، إن الزوجة ضربتها بسبب موسم 'عاشوراء' وتعدت عليها بالضرب وهي تجلس على سلم العمارة أمام والدتها، التي حاولت إبعاد ابنتها، متابعة: 'زوجة ابني عملت مشكلة معايا عشان مجبتش ليهم موسم عاشوراء أيام ما كانت مخطوبة من سنة ونص وهي دلوقتي بقيت زوجة ابني وعندها طفلة'.

وتابعت: 'زوجة ابني مش طبيعية كل شوية مشاكل، وأنا ممشية الدنيا عشان بيت ابني ميخربش، لكن بعد اللي حصل أنا خوفت منها ومأمنش أقعد معاها تاني في بيت واحد'.

وأكملت: 'ابني مركب كاميرا في البيت ومربوطة بتليفونه، وعلم بالواقعة لما شاف اللي حصل في الفيديو وشاف مراته وهي بتضربني، وبعدها كلمني عشان يسألني على اللي حصل وكان مضايق، ونزل من السفر'.

وأردفت: 'أول ما نزل قعد يعيط وخدني في حضنة ويبوس رجلي، وأنا مسامحه عشان خاطره بس أنا عايزة حقي منها'، متابعة: 'كنت بخبي على ابني اللي بتعمله فيا وأقول مع الأيام هتتعدل وابني يبعتلها كل شهر مصاريف ليها ولعلاج بنتها ومصاريف ليها، وكنت بشقى عشان مخلهاش محتاجة حاجة'.

زوجة تعتدي على حماتها في الشرقية

وكان تداول مستخدمو موقع التواصل الاجتماعي 'فيس بوك' على نطاق واسع مقطع فيديو يظهر فيه سيدتان إحداهما شابة تتعدي بالضرب على حماتها العجوز داخل منزلهما، ما أثار غضب واستنكار المتابعين وتعاطفهم مع حماتها.

ونشر نجل السيدة العجوز المعتدى عليها من زوجته منشورًا على موقع التواصل الاجتماعي والذي يعمل خارج مصر، غاضبًا من تصرف زوجته قائلًا: 'أمي.. حقك عليا يا نور عيني لو إني موجود مكنش حصل اللي حصل ملعون أبو الغربة للأسف دي مراتي اللي بتضرب أمي اللي هي في مقام أمها دا المفروض يعني كانت علطول أمي تقولي معلش يا علي وآدي أخرتها مراتي اسمها نداء حمدي أحمد محمد أبو زيد وأمها اللي كانت ظاهرة في الفديو اسمها راندا محمد العراقي حبيت أنزل الفديو علشان ماشيين يقولوا في البلد إن أمي هي اللي ضربتها الأول وهما مش ضربوها بس الحمد لله نسيوا إن في كاميرات أنا قسما بالله بمر بظروف ما يعلمها إلا الله وحق أمي هاخده نازل مصر إن شاء الله قريب وحسبي الله ونعم الوكيل'.