أم تحتفي بنجلها المتوفى فى أول يوم دراسة ببورسعيد: "هافضل كل سنة أنشرها"

فى مشهد مآسوى يدمى القلوب مع بداية عام دراسي جديد، كتبت أم منشورا على صفحتها الشخصية على مواقع التواصل الإجتماعي ' الفيسبوك ' تنعى فيه نجلها المتوفى منذ أعوام ، و اعتادت الام المكلومة على رثاء نجلها 'زين' الذى توفى اثناء اجراء عملية جراحية ' اللوز' منذ عدة اعوام ، فى كل المناسبات .

أم تحتفى بنجلها المتوفى فى أول يوم دراسة ببورسعيدكتبت الأم : ياقلبي يازيزو كان نفسك تروح المدرسة ياعمري بس انت روحت عند الي أحن وارحم عليك ياحبيبي كان زمانك دلوقتي في سنه تالته، هافضل كل سنة كده انزل صورتك زي ما كل الناس بتنزل صور عيالها وتفرح بيها بس انا ماليش نصيب يا حبيبي أفرح بيك في الدنيا ربنا أجل فرحتي بيك لما أشوفك وتفتحلي أبواب الجنة بإيدك يا زين صابرة وراضيه يا بني بس قلبي بيبكي عليك وحشتني أوي أوي والله.

أم تحتفى بنجلها المتوفى فى أول يوم دراسة ببورسعيد

وكانت قد كتبت منشورا فى وقت سابق تحتفى بذكرى عيد ميلاده

' النهارده عيد ميلادك يا زين والنهارده قلبي بيولع عليك اكتر ياقلب امك كملت ال6 سنين بعيد عني يا زين أنا بموت كل ثانيه من غيرك يا حبيبي عمري إبتدا يوم ولادتك وانتهي يوم دفنك الدنيا مالهاش طعم من غيرك يا زين اتحرمت من حنيتك وحضنك وحبك ليه اتحرمت من كلامك الي كان بينسيني اي هم وتعب .

أم تحتفى بنجلها المتوفى فى أول يوم دراسة ببورسعيد

كنت تحط ايدك على تعبي وتقرالي قرأن

وأضافت الأم المكلومة كنت بتجبر بخاطري علي طول يا زين ماكنتش بتقدر تشوفني تعبانه كنت تحط ايدك على تعبي وتقرالي قرأن لحد ماخف ماكنتش بروح لدكتور دلوقتي بروح وبرضه تعبانه عشان أنت كنت دوايا يا قلبي أنت اجمل حاجه حصلتلي من يوم ماوعيت عالدنيا وأنت أكتر واحد حرق قلبي بعد مافارقت الدنيا أنا كل يوم بكلم ربنا وبقوله يقولك إني بحبك أوي وانك وحشتني أوي يا زين 

كل سنة وانا هابقي محرومه منك

و أختتمت الأم سامحني يا حبيبي والله ماكنت اعرف الي هايجرالك كانت ايدي اتقطعت قبل ماوديك ربنا يحرق قلبه زي ماحرق قلبي عليك يابني كان نفسك تروح المدرسه وكان نفسك في حاجات كتير ربنا يعوضك بيها في الجنة عشان البشر وحشين وحشين أوي يا زين وانت خساره تعيش وسطهم قول لربنا يجمعنا بيك عايزين بنقي مع بعض تاني ماحدش فينا قادر على بعادك يا زين ربنا بيحبك وهايسمع كلامك يارب ينزل الصبر في قلوبنا لحد مانجيلك يا حبيبي يا زيزو يا جميل. في الجنة ونعيمها حتي اللقاء كل سنه وانت في قلبي ، كل سنة وانا هابقي محرومه منك ، لله الأمر من قبل ومن بعد