ما زالت أصداء الجريمة المروعة التي شهدتها محافظة الإسماعيلية تُثير الصدمة بين الأهالي، بعد أن أقدم تلميذ لم يتجاوز الثالثة عشرة من عمره على قتل زميله وتقطيع جسده إلى 6 أجزاء بمنشار كهربائي، متأثرًا بفيلم أجنبي دموي.
قطعه 6 قطع واكل من عضله رجلة
وفي تصريحات خاصة لموقع أهل مصر، قال محمد أحمد، أحد سكان منطقة المحطة الجديدة وأحد شهود العيان على الواقعة: 'الطفل الجاني قطع صديق عمره في المدرسة 6 قطع، وراح بثلاث قطع في كيس أسود كبير، وكان ماشي في الشارع ناحية كارفور الإسماعيلية، فقابله طفل بيشتغل في محل سمك وسأله رايح فين بالكيس دا؟ رد عليه وقال: هوا أنا شايل مخدرات؟ وبعدين جري بسرعة واختفى في الصحراء'.
قسمه علي مراحل في الاكياس البلاستيكية
وأضاف محمد: 'في اليوم التاني، راح يجيب الثلاث قطع الباقيين، وكان مقطّعهم بمنشار كهرباء لقطع صغيرة علشان يعرف يدخلها في الكيس البلاستيك. والمنشار دا بتاع والده لأنه نجار موبيليا، والله أنا سمعت صوت المنشار داخل الشقة بس افتكرت إن والده بيشتغل كالعادة'.
بطل الحقيقة ميدو عامل محل الأسماك يكشف الحقيقة
واستكمل بطل الواقعة، الطفل ميدو العامل في محل الأسماك بالمحطة الجديدة: 'أنا اللي حسّيت إن في حاجة غلط، وبلغت المباحث، ومن هنا اتكشف لغز القضية بالكامل'.
من جانبها، قالت السيدة عبد الفتاح، إحدى جارات المتهم: 'الولد كان دايمًا يتكلم عن الأفلام الأجنبية، ويقول إنها فيها متعة غريبة، وكان بيقول إن الزكاء الاصتناعي في الأفلام دي عبقري'.
وأضافت:'هو عايش مع والده لوحده في شقة بأحد العقارات في المحطة الجديدة، بعد انفصال أمه اللي اتجوزت واحد تاني وسابته، وده خلّى الولد يعيش لوحده تقريبًا من غير رقابة.
اعترافات صادمة للمتهم
قال المتهم أمام جهات التحقيق إنه ارتكب الواقعة بتفاصيل مروّعة، مؤكدًا أنه فقد السيطرة على نفسه تمامًا، مضيفًا: 'كنت فاكر نفسي بطل زي أفلام الأجانب ومتابع الزكاء الاصتناعي، بس دلوقتي عرفت إن نهايتي قربت ذي اخر الفلم ... الشرطة هتمسكني في النهاية.
تابعوا آخر أهل مصر على Google News
