والد طفل الإسماعيلية:دفنت ابني بس مش عارف أنام.. صورة القاتل وهو يقطع فيه مش بتفارق خيالي" ( خاص )

قال أحمد مصطفى والد الطفل ضحيه زميله في اول تصريحات لموقع 'أهل مصر' : انا دفنت ابني بس مش عارف أنام، صورة المجرم وهو ماسك المنشار الكهربائي وبيقطّع في ابني مش بتفارق خيالي، بتخيله وكأني شفته وهو بينفذ جريمته" مش قادر اتحمل غيابك عني يامحمد .

وأضاف الأب المكلوم وهو في حالة انهيار تام: "ابني اتعذّب ومش قادر أصدق اللي حصل فيه.. ابني جمعوهولي قطع صغيرة وكل جزء من مكان مختلف، ومقدرتش حتى أبص عليه علشان أودعه، لأن ملامحه راحت ومبقاش له شكل، كنت نفسي أشوفه، بس اللي في النعش ماكانش ابني، كان أشلاء من غير ملامح مضيفاً: عليه العوض ومنه العوض .

وتابع بصوت يختنق بالبكاء: "اللي حصل في ابني ده لا يتحمّله بشر، أنا مش عارف هعرف أعيش بعد كده إزاي، ابني كان كل حياتي حسبنا الله ونعم الوكيل دا طفل بتعمل فيه كدا يارب بتقطع 6 أجزاء عمل ايه في حياته دا كان كل حياتي الله ينتقم منه زميله يوسف : مطالباً بالقصاص .

وأعرب الأب عن أمله في أن ينال القاتل جزاءه العادل، مؤكدًا أن ما حدث جريمة تهز الضمير الإنساني كله، مطالبًا بسرعة القصاص حتى يهدأ قلبه وقلب أسرته: مش عارفين ننام من غيرك يا محمد