بكلمات تمتزج فيها الحيرة بالألم، قالت والدة 'محمود'، المتهم بإنهاء حياة 3 أطفال بقرية الراهب التابعة لمدينة شبين الكوم بمحافظة المنوفية، إن هناك لغزاً لم يظهر بعد بين ابني ووالد الأطفال.
وأضافت الأم في تصريحات خاصة لـ جريدة 'أهل مصر'، ابني وأبو العيال كانوا بيتكلموا من قريب ومفيش أي خلاف بينهم، كانوا كويسين جداً ومعرفش إيه اللي حصل بينهم فجأة، بس أنا متأكدة إن فيه سر بين أبو العيال وابني ربنا الوحيد اللي عارفه، ونفسي السر ده ينكشف للكل.
وأكدت والدة المتهم، لما العيال اختفوا ابني كان عمال يدور معاهم عنهم ويقلب الدنيا، والكاميرات شاهدة عليه وهو بيدور، حتي أن جدة الأطفال جاءت لنا وإحنا نايمين بتسأل عنهم، أخته ردت وقالت إنهم سلموا ومشيوا.
وتابعت الأم قائلة، إبني لا بيشرب سجاير ولا بيعمل حاجة غلط، ده هو اللي كان شايلني، بيغسل لي هدومي وبيطبخ لي وراعي لقمة عيشه، ومن حنيته على العيال، الاطفال كانوا بيحبوه أكتر من أبوهم نفسه، وعشان كدة أنا قلبي محروق عليهم، ويمكن أنا زعلانة عليهم أكتر من أهلهم، لأن أهلهم كل اللي شاغلهم إن السر اللي بينهم وبين ابني ميتعرفش.
وإختتمت الأم حديثها قائلة، أنا مش طالبة غير إن السر اللي مخبينه ينكشف، عشان الناس تعرف الحقيقة.
بداية الواقعة
وفي وقت سابق كان قد تلقي اللواء علاء الجاحر، مدير أمن المنوفية، قد تلقى إخطاراً من مأمور مركز شرطة شبين الكوم، يفيد بالعثور على عدد 3 جثامين لصغار بينهما شقيقان ونجلة عمهما' داخل المنزل المهجور بنطاق القرية، وذلك بعد تغيبهم لساعات عن منازلهم وقيام الأهالي بالبحث عنهم.
وفور انتقال الأجهزة الأمنية وقوات المباحث الجنائية، تبيّن وجود آثار خنق حول رقبة الأطفال، وعلى إثر ذلك تم فرض كردون أمني بمحيط الموقع، ونقل الجثامين إلى ثلاجة حفظ الموتى بمشرحة مستشفى شبين الكوم التعليمي تحت إشراف النيابة العامة، التي قررت انتداب الطب الشرعي لتشريح الجثامين وبيان السبب الدقيق للوفاة.
تابعوا آخر أهل مصر على Google News
