شهدت محاكم الأسرة العديد من قصص الخلع والطلاق التى تحتوى على قدر كبير من الإثارة والغرائب، أبطال هذه القصص أشخاص عاديون مثلنا ولكن شاء لهم القدر أن تسجل أسماؤهم فى سجلات المحاكم، وترصد 'أهل مصر' أبرز قضايا الخلع والطلاق والنشوز فى الأسبوع الماضى.
منال تطلب الخلع: طردني من البيت عشان رفضت إن أخوه يشوف هدومي
تقف منال البالغة من العمر ٢٤ عاما فقط داخل محكمة الأسرة بزنانيري، وسط عدد من السيدات ترتدي جاكت أسود من الجلد وبنطلون وتغطي شعرها بحجاب، تنتظر دورها لرفع دعوى خلع من زوجها بعد 11 شهرا فقط من الزواج، مبررة ذلك بقولها: 'ماشي وراء كلام أمه، بيخاف يشتري ولا يعمل حاجة من وراها حتى القرار ميعرفش ياخده وكل دا وأنا متقبلة ومعترضتش، لكن أخوه اللي في الدبلوم يطلع مع أمه شقتنا ويقعد يتفرج على قمصان النوم بتاعتي في الدولاب ولما أعترض وأطلب منه يمنع أخوه يدخل أوضة نومنا، يتعصب عليا لدرجة انه يطردني من البيت بناء على توجيهات والدته، ويقول لي هتفضلي معلقة وهترجعي البيت بشروطي خدامة ليا ولأمي وأخويا'.
سمر لقاضي الأسرة: "بيقول لي انتي خام اتفرجي على أفلام إباحية"
' من كتر الذنوب والمعاصي اللى عملها قبل الجواز مع الستات فى شقق مفروشة وعلى النت مبقاش حاسس بطعم الحلال، لما اتقدم ليا مكنتش أعرف انه ليه علاقات كتير قبل الجواز، ومن أول ليلة مع بعض وهو يقول لى 'إنتي خام مش ممتعة في العلاقة'، وكأنها مش حياة جديدة عليا، مبقتش عارفة أعمل ايه وحاولت على قد ما أقدر لكن للأسف مافيش حاجة عاجباه لحد ما عرفت بعلاقاته وكمان هو أتجرأ وجاب لي أفلام إباحية'.. جاءت هذه الكلمات على لسان سمر وهى داخل محكمة الأسرة بشمال الجيزة لرفع دعوى خلع من زوجها بعد 10 شهور فقط من الزواج مبررة استحالة العشرة معه.
أحمد فى دعوى تطليق: ابننا كشفها وقال لى جابت راجل البيت ووشها ضرب ألوان
تقدم أحمد بدعوى قضائية داخل محكمة الأسرة ضد زوجته لتطليقها بعد 6 سنوات من الزواج مبررا ذلك بقوله: 'كنت بعتبرها كل حاجة فى حياتى وافقت انى أتغرب وأشتغل بعيد عن المحافظة عشان خاطرها هى وابنى ومخليهمش محرومين من حاجة، لكن مكنتش أعرف أنها هترد لي كل اللى بعمله ليها بالإساءة ليا وخيانتى، مكنتش مصدق ابنى الصغير لما قالى فى واحد ضيف جه عندنا يا بابا الشقة وجاب لى حلويات، ولما قعد يوصف ليا لقيتني معرفش حد كدا، ولما واجهتها إجابتها كانت غريبة ليا دى غلطة وملمسنيش والله العظيم'.
سماح تطلب الخلع: جوزي بيطلب مني أضربه أثناء العلاقة الحميمة
'مريض نفسي إنسان مش طبيعي، طول الوقت عايز يبقي هو الطرف الضعيف في البيت على الرغم ان هو الراجل والمفروض هو المسئول عن كل حاجة لكن دا شخص غريب أنا اللى عايشة دور الراجل فى البيت، وكمان بيطلب منى أثناء العلاقة الحميمة انى أضربه بالقلم وأحيانا بيجيب عصاية ويطلب اني أضربه، ولما اتكلمت مع والدته بعد ما دخلت فى حالة انهيار عصبي قالت الحقيقة انه مريض نفسي'.. جاءت هذه الكلمات على لسان سماح وهى داخل محكمة الأسرة لرفع دعوى خلع من زوجها بعد 10شهور فقط من الزواج مبررة استحالة العشرة معه.
محمود في دعوى نشوز: مراتي بتطلب مني فلوس ثمن العلاقة الحميمية معها
لم يتخيل محمود صاحب الثلاثين عاما أن تكون حياته الزوجية بهذا الشكل غير المستقر، وأن تطلب منه زوجته أموالا ثمنا للعلاقة الحميمة التي يمارسها معها دون أي خجل، وإذا امتنع عن إعطائها الأموال التي طلبتها تتشاجر معه وتجعل حياته جحيما على حد قوله، ما جعله يقف داخل محكمة الأسرة بعد عام ونصف فقط من الزواج لرفع دعوى نشوز ضد زوجته بعد أن شعر باليأس من عدم تغير تصرفاتها.
نسمة تطلب الخلع: جوزي مضيع فلوسه على العلاقات الإباحية.. وهجرني من 5 شهور
'جوزي ربنا يصلح حاله مدمن علاقات الشات الإباحية مع البنات على النت وبيدفع كروت شحن لدرجة إن معظم اللي على النت بينصبوا عليه، حتى أصحابه بيعملوا فيه مقالب وياخدوا منه كروت شحن وهو مش بيتوب، طول الوقت اللي بيرجع من الشغل قاعد على النت ومقضيها مع البنات، ومعايا هجرني في الفراش واستبدل علاقتنا الحميمة بمكالمات الشات الجنسية ومهما عملت رافض يتغير'.. جاءت هذه الكلمات على لسان نسمة وهي داخل محكمة الأسرة لرفع دعوى خلع من زوجها مبررة استحالة العشرة معه بعد أن رفض الابتعاد عن المكالمات الإباحية.
تابعوا آخر أهل مصر على Google News
