"مريض نفسي إنسان مش طبيعي، طول الوقت عايز يبقي هو الطرف الضعيف في البيت على الرغم أنه هو الراجل والمفروض هو المسئول عن كل حاجة لكن دا شخص غريب انا اللى عايشة دور الراجل فى البيت، وكمان بيطلب منى اثناء العلاقة الحميمة انى أضربه بالقلم واحيانا بيجيب عصاية ويطلب إني أضربه، ولما اتكلمت مع والدته بعد ما دخلت فى حالة انهيار عصبي قالت الحقيقة انه مريض نفسي" جاءت هذه الكلمات على لسان سماح وهى داخل محكمة الأسرة لرفع دعوى خلع من زوجها بعد 10شهور فقط من الزواج مبررة استحالة العشرة معه.
وروت الزوجة قصتها لـ "أهل مصر" قائلة: أنا اتجوزت من 10 شهور فقط جواز صالونات، والموضوع تم بشكل روتينى جدا هو شافنى فى الشغل واعجب بيه واتقدم، وعشان حالته المادية وسمعة أهله الطيبة لما سألنا عنه، عشان كدا أهلي وافقوا عليه وشجعونى إني أوافق على جواز بعد فترة خطوبة شهرين زى ما أهله كانوا عايزين بحجة إني أخته مسافرة، وهم في الحقيقة كانوا عايزين البس بسرعة فيه قبل ما أكتشف انه مريض نفسي وعايز يتعالج، واكتشفت دا بعد الجواز بأيام، لقيته بيحب يعيش دور الست الضعيفة وعايزني أنا ابقي القوية فى البيت، لدرجة انه كان بيقعد يتذل ليا من غير أي سبب، وطلب مني إني أضربه".
وتابعت حديثها: "كنت فاكرة موضوع الضرب فى الأول هزار لكن اكتشفت انه حقيقى وخاصة في أوقات العلاقة الحميمة بيطلب مني أضربه على وشه، كنت بتجنن إزاي بيرضي بكدا، استحالة يكون طبيعي وطلبت منه يروح لدكتور لكن رفض يعترف انه مريض أصلا، واتكلمت مع والدته وقالت انها حاسة من فترة انه تعبان وطلبت منه يروح لدكتور لكن رفض نهائيا وافتكرت انه لما هيتجوز ويبقي شايل مسئولية بيت الدنيا هتكون كويسة معاه، لكن للأسف بقي أسوء وطلبت منها انه يطلقنى لكن هو رفض يرمى اليمين وبقي يعيط وانامش قادرة أعيش معاه بالشكل دا نهائيا عشان كدا رفعت دعوى خلع بمحكمة الأسرة ومازالت الدعوى منظورة أمام القضاء".
تابعوا آخر أهل مصر على Google News
