أثارت قصة سيدة خمسينية، حصلت على الشهادة الجامعية من كلية الحقوق جامعة الإسكندرية، جدلًا واسعًا على مواقع التواصل الاجتماعي خلال الساعات القليلة الماضية، بعد تداول الرواد قصتها، والتي استطاعت أن تُحول حياتها إلى مسيرة كفاح بعد أن سيطرت عليها حالة اكتئاب، حيث قررت استكمال دراستها رغم انقطاع طويل لتحصل على ليسانس الحقوق بعد الخمسين من عمرها بتقدير عالٍ بتشجيعٍ من أبنائها.
مفيش حاجة اسمها مستحيل.. وفاء تحصل على ليسانس الحقوق
لم تيأس وفاء صفوان، السيدة الخمسينية ابنة محافظة الإسكندرية، من تحقيق حلمها الذي لم تعيقه ظروف الحياة وانشغالها الدائم في تربية أبنائها، وإن عرقلته الظروف الاجتماعية والعادات القديمة لسنوات من عمرها، حيث توقفت عن دراستها بعد زواجها في سن 18 عاما وأنجبت 4 أبناء، لتعاود لتُكمل تعليمها بعد طلاقها من زوجها منذ 10 سنوات، وتحصل على الشهادة الجامعية من كلية الحقوق جامعة الإسكندرية.
وتخرجت 'وفاء' من كلية حقوق الإسكندرية، بتقدير عالٍ بعد إكمال تعليمها، بعد أن اجتهدت ودرست الثانوية العامة ثم كلية الحقوق.
وشارك نجلها يُدعى 'محمد مرزوق' رواد مواقع التواصل الاجتماعي قصة والدته، حيث كتب على صفحته الشخصية بـ'فيس بوك': 'النهاردة ماما اتخرجت من كلية حقوق إسكندرية بتقدير عالى، ماما مكملتش تعليمها عشان تزوجت في سن 18 عاما وأنجبت 4 أبناء، وبعد طلاقها من بابا من حوالي 10 سنوات جالها حالة من الاكتئاب، اقترحنا عليها أنا واخواتى أنها تكمل تعليمها وده ممكن يشغلها شوية من اللى كانت فيه وأن حياتها ممكن تتغير شويه وفعلا أخدت القرار ده ودخلت الثانوية العامة وذاكرت واجتهدت وجابت مجموع كبير بعد كده اختارت تدخل كلية الحقوق وفعلا دخلت الكلية وبدأت تحضر المحاضرات وتذاكر زى أى حد لحد ما جه اليوم اللى تتخرج فيه وبتقدير كمان'.
السيدة مع أبنائها
وتابع نجل السيدة الخمسينية: 'وحصلت في الفترة دي كمان على دبلوم اللغة والاتصال والترجمة ودبلومة القانون الدولي العام ومنحة من منظمة الأغذية العالمية.. أنا واخواتى عمرنا ما كنا نتخيل إنها توصل للمرحلة دى، احنا بجد فخورين بيكى يا أمى فعلا علمتنا يعنى إيه مفيش حاجة اسمها مستحيل وإن دايما فيه أمل، انتى مثال النجاح والطموح، ربنا يخليكى لينا وعقبال ما نشوفك أحسن محامية فى مصر لأن الحلم والطريق لسة مخلصش مبروك يا أمى'.
السيدة وفاء
ولاقى المنشور وصور السيدة مع أبنائها استحسانًا وتفاعلًا كبيرًا من قِبل الرواد الذين أثنوا على إصرارها وكفاحها، وجاء من بين تلك التعليقات: 'ألف مبروك.. فعلًا لا يأس مع الحياة ولا حياة مع اليأس، برافوا عليكي، وشكرا لشبابك اللي شجعوكي، ربنا يخليها لك، ويفرحك بيهم أمين'، وأيضًا: 'حاجة جميلة ألف مبروك وربنا يبارك فيكى يارب وتبدأي مسيرتك المهنية وتبقى أحسن محامية يارب ويباركلك في أولادك ويعوض صبرك خير يارب'.
المنشور
تفاعل الرواد
تفاعل الرواد
تابعوا آخر أهل مصر على Google News
