علق جمال محمد على نائب رئيس اللجنة الخماسية باتحاد الكرة المصري على قرعة دورى القسم الثانى التى انطلقت فى مقر الاتحاد اليوم الأربعاء، استعدادا لانطلاق الموسم الجديد 2020- 2021.
وقال جمال محمد على فى تصريحات خاصة 'لأهل مصر' : اللى حصل النهاردة من الأندية شى إيجابى جدا الناس كلها حضرت وكانت مشاركة فى الحدث'.
وأضاف: ' بأنهم الأساس فى تنظيم البطولات هما أيضا حجر الأساس اللى بنعمل القرعة من أجلهم'.
وأكد فى تصريحاته قائلا: 'القرعة النهاردة بنعالج بيها بعض سلبيات الموسم اللى فات، زودنا الممتاز ' ب ' باجمالى 16 فريق وعلشان كل فريق يلعب 30 مباراة وبالتالى اللاعيب والمدرب والادارى وكل العاملين يكتسبوا الخبرات تأهلهم لو صعدوا الدورى الممتاز ويبقي جديرين باللعب فيه' .
وأشار:' نفس الوقت لغينا النظام القديم دورات التصفية الأوائل يصعدوا مباشرة و أوائل مجموعات ال12 من القسم التالث ويهبط 4 من كل مجموعة وبكده هايهبطوا 12 ويصعدوا 12 ودى من ايجابيات اللى اتعملت وفى نفس الوقت اتوزعت جغرافيا على حسب عدد الكيلومترات النادى الأقرب للمجموعة'.
وأتم تصريحاته قائلا: 'والاجراءات الإحترازية موجودة لحين اشعار اخر من وزارة الصحة وليها برتوكول موجود والدكتور محمد سلطان رئيس اللجنة الطبية بالاتحاد المسئول عن تنفيذها' .
تابعوا آخر أهل مصر على Google News
