علق أحمد حسام 'ميدو' لاعب منتخب مصر السابق، على مستوى اللاعبين المصريين المشاركين في أولمبياد طوكيو 2020.
الدعم لأبطال مصر
ونشر ميدو تغريدة عبر حسابه الرسمي على مواقع التواصل الاجتماعي 'تويتر' قائلًا: 'أشعر بالألم تجاه كل أبطالنا اللي بيحاربوا كل الظروف عشان يشرفوا بلدهم في الأولمبياد، بينافسوا أمام أبطال معظمهم بيتصرف عليهم أضعاف ما يصرف على أبطالنا وفي الآخر شوية عيال تعبانة يتريقوا عليهم من ورا الكيبورد على مواقع التواصل الاجتماعي، كل الدعم لأبطالنا مهما كانت النتائج'.
ضحية عدم وجود خطط حقيقية
وأضاف: 'عمري ما حاولت أدور على أعذار لأي رياضي لكن فعلًا المرة دي أبطالنا هم ضحية عدم وجود خطط حقيقية لصناعة أبطال أوليمبيين مبنية على أسس علمية حسب طبيعة كل لعبة'.
وأكمل: 'صدقوني آخر من يلام هم هؤلاء الأبطال، أنا بثق في عقلية كل أبطال الألعاب الأخرى كما يسميها البعض'.
تغطية أخبار الألعاب الأخرى
وأكد: 'لازم يكون في قانون بإجبار أي صحيفة أو منصة إعلامية رياضية بتخصيص ٣٠٪ على الأقل من مساحتها لتغطية أخبار الألعاب الأخرى'.
وتابع: 'حاجات كتير لازم تتغير لكن لازم يبقى في ناس فعلًا عايزة تغير، ليه كل واحد خايف على كرسيه ما تشتغل وتجيب ناس تغير والتاريخ هيشهدلك انك حاولت'.
تابعوا آخر أهل مصر على Google News
