علق لاعب النادي الأهلي محمود كهربا على مواصفات فتاة أحلامه قائلًا: 'بفكر بقالي 4 سنين نفسي اتجوز بس بدور على حد شبه والدتي محترم وكويس، وفي البيت نفسهم اتجوز واقعد معاهم، والمواصفات تكون طيبة وحنينة وتحافظ عليا وتقدر شغلي، وفيه كتير وبلدنا مليانه بنات كتير محترمين'.
وقال محمود كهربا، خلال استضافته ببرنامج 'أسرار' مع الإعلامية أميرة بدر المذاع على قناة النهار: 'أهلي رقم واحد عندي والدي ووالدتي واخويا واختي، هما اللي عملوا كهرب وساعدوني في حياتي، والحمد لله كنا أسرة متوسطة واهلي وفرولي كل حاجة من صغري، ونتيجة ده عامل كل حاجة باسمهم، ووالدتي بتدعي ع اللي ظلموني وعندها احساس باللي بيحصلي قبل ما يحصل، مبحسدش حد، واسعد حاجة اني اشوف حد من الفريق في حتة كويسة، ونفسي ان فتوح يجي يلعب في الأهلي رغم أنه زملكاوي جدًا، ووالدتي بترقيني دايمًا، وبقولها ربنا يخليكي ليا طول العمر وميحرمنيش قبل كل ماتش وبعده'.
كهربا يكشف سبب خوفه من «كلب» رامز جلال
علق محمود كهربا، لاعب النادي الأهلي ، على غضبه من رامز جلال خلال استضافته مع عبد الله السعيد الأيام الماضية.
وقال كهربا خلال استضافته ببرنامج 'أسرار' مع الإعلامية أميرة بدر المذاع على قناة النهار: 'شديت انا ومهيب عبد الهادي عشان حوار رامز، وكان الموضوع تقيل عليا وانا معرفش ان فيه مقلب، وكنت رايح البرنامج انه عادي وانا منبه، واتخبط في أيدي، فالاول كنت متضايق وبعدين قلت الحلقة مش عجباني أنه يحصل فيها كده'.
وأضاف: 'مفيش حد يعرف يهيني، ورامز اخويا وحبيبي، ورفضت اقفل الحلقة عشان مكنتش شايف قدامي، وانا ساعتها مكنتش حاسس لاني بخاف من الكلاب جدًا، بسبب انهم ممكن بيطلوني لعب كورة، ولو رامز كان نزلي كنت هاخد حقي منه، واتكلمنا بعدها وصالحني، وكل مرة ببقى رايح مببقاش عارف انه فيه مقلب، رايح على اساس انه برنامج له علاقة بالكورة، وأنا غضبان بيبقى لساني أعمى وايديا كمان'.
تابعوا آخر أهل مصر على Google News
