أكد محمد صبحي حارس الزمالك أنه تصدى لثمانية ركلات ترجيح أمس في تدريب الفريق قبل مواجهة بيراميدز اليوم في نهائي كأس مصر.
وقال محمد صبحي في تصريحات تلفزيونية: "أنا مش زعلان إني خرجت في ركلات الترجيح أنا بس خرجت بشكل سريع وكنت منفعل من أحداث الماتش".
وفي مفاجأة قال صبحي: "أنا صديت 8 ركلات جزاء امبارح في التمرين".
وواصل: "كنت الفترة اللي فاتت بستلف فلوس وكان عليا ديون كتيرة وقفلت على نفسي وببدأ من جديد ومليش حجة خالص دلوقتي بعد تجديد التعاقد".
وأختتم: "عيني دمعت من الجمهور اللي كان في الملعب وعلاقتي بعواد محترمة جدا ومش بزعل إن الزمالك عايز حارس جديد لو ده في مصلحة النادي خلاص هنشتغل كلنا لمصلحة النادي".
تابعوا آخر أهل مصر على Google News
