عبّر أحمد حسام "ميدو"، نجم الزمالك السابق، عن تفاؤله الكبير بالتحول الواضح في طريقة إدارة فريق الكرة بالنادي خلال الفترة الحالية، مشيدًا بما وصفه بـ "الانضباط والسرية" التي بدأت تميز أجواء القلعة البيضاء.
وكتب ميدو عبر حسابه الرسمي على منصة "إكس" (تويتر سابقًا):"اللي بيحصل في الزمالك دلوقتي عظمة، وطول عمري بحلم إن فريق الكورة يتقفل عليه، ويبقى معسكر الزمالك كأنه ثكنة عسكرية... وأنا متفائل إن فريق الكورة على الطريق الصحيح".
وأضاف نجم الزمالك الأسبق:"بقالنا سنين بنعاني من تسريب أخبار الفريق، ومن ناس كانت شايفة إن الزمالك ورث شرعي، وإن العمل فيه حق مكتسب حتى لو ماعندكش أي مؤهلات... النهج الحالي بيغيّر المفهوم ده تمامًا".
"قررت أكون مشجع فقط"
وأكد ميدو أنه لا يربطه أي تواصل حالي مع مسؤولي النادي، موضحًا أنه اختار العودة لمساندة الزمالك كمشجع فقط، دون أي دور إداري أو استشاري.
وقال:"أنا والله ما ليا مصلحة مع أي حد جوه النادي دلوقتي، ولا حتى بتكلم مع أي حد جوه النادي... لا بكلم حد ولا برد على حد... وقررت أرجع مشجع بس، أروح ماتشات الزمالك من غير ما يكون ليا علاقة بأي مسؤول".
رسالة تفاؤل للجماهير
واختتم ميدو حديثه برسالة طمأنة لجماهير الزمالك، قائلاً:"وأنا كزمالكاوي مبسوط جدًا ومتفائل... إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده".
تابعوا آخر أهل مصر على Google News
