وجّه الكابتن بشير التابعي، نجم الزمالك السابق، انتقادات حادة لصفقات نادي الزمالك خلال فترة الانتقالات الصيفية الجارية، مؤكدًا أن الأسماء المطروحة لا ترتقي لمستوى الطموحات ولا تكفي لإعادة الفريق للمنافسة على البطولات.
وقال التابعي، خلال مداخلة هاتفية في برنامج "اللعيب" على قناة "MBC مصر":"كل موسم الزمالك بيتعاقد مع لاعبين شبه بعض، ومفيش حاجة بتتغير. الصفقات المرشحة دلوقتي مش هتضيف، ومش منتظر منهم حاجة كبيرة".
وأضاف: "لو الزمالك عايز ينافس الأهلي وبيراميدز، لازم يقارن نوعية الصفقات اللي بيجيبها بنوعية صفقاتهم، أنا شخصيًا ممكن أختار لاعب أو اتنين من المعروضين، لكن الباقي محتاجين جنبهم نجوم تقيلة".
وانتقد التابعي الوضع المالي في النادي قائلًا:"بعد الأزمة المادية اللي الزمالك بيعيشها، أي لاعب هيفكر كتير قبل ما ينضم، بدليل إنهم لما جددوا لعبد الله السعيد عملوا مولد".
تابعوا آخر أهل مصر على Google News
