دعاء لقاضي الأسرة: "لوح تلج مش بيغير عليا ومش حاسه إنه راجل"

تقدمت 'دعاء' بدعوى قضائية أمام محكمة الأسرة لرفع دعوى خلع من زوجها بعد ٩ أشهر من الزواج مبررة ذلك بقولها: 'عمره ما يغير عليا ولا على لبسي، طول الوقت بتصرف بشكل لو أى راجل غيره يشك، لكن هو لا حياة لمن تنادى، ولا بيعلق على لبسي حتى لو خرجت بلبس ضيق أو مفتوح، نفسي أحس انى متجوزة راجل يغير عليا، ويخاف على شرفه وعرضه، مش لوح تلج'.

وروت الزوجة قصتها لـ'أهل مصر'، موضحة أنها تزوجت منذ ٩ أشهر من شخص يكبرها بـ١٠ أعوام يعمل فى إدارة الأعمال قائلة: 'لما وافقت على الجواز منه كنت خايفة من الفروق المادية بينا والاجتماعية، لأنه أعلى منى فى المستوى، لكن هو عمره ما حسسنى بكدا طول الوقت كان عادى، لكن المشكلة الصعبة انه مش بيغير ولا عمره حسسنى انه بيخاف عليا ولا يعلق على أى حد كلمنى من زمايلي وكأنى مش بخصه أو هو بارد'.

وتابعت حديثها: كنت بتمنى يكون راجل شهم غيور يحسسنى بأنوثتى، أنا بقيت استفزه وألبس حاجات عريانة عشان يعلق وهو برضو ولا هنا، لحد ما قررت أطلق ورفض يطلقنى عشان مخدش حقوقي منه، ميعرفش ان حقوقي ولا الحياة معاه مش فارقة عشان كدا رفعت دعوى خلع ومازالت الدعوى منظورة أمام القضاء.