"من أول ما اتجوزنا وأنا عارفة إنه بيخوني وبيعرف ستات كتير، وكنت بواجهه وأحيانا كتير أغضب وأسيب البيت عشان يتعلم لكن مافيش فايدة، يندم ويرجع تانى للحرام، لحد ما ربنا كرمني ببنت وكنت بقوله الحرام اللي بتعمله هيترد في بنتنا، لكن كان بيعمي عنيه ويرفض يسمع حاجة لحد ما بقيت بحلم باليوم اللي هيترد فيه ببنتي، وخاصة لما عرفت إنه ضحك على بنت صغيرة وسابها في محافظة تانية عشان كدا قررت إني أحافظ على بنتي وأطلب الطلاق".. نطقت بهذه الكلمات "ياسمين" وهي داخل محكمة الأسرة لرفع دعوى خلع من زوجها بعد ٤ سنوات من الزواج مبررة استحالة العشرة معه.
وقالت الزوجة في مستهل حديثها مع "أهل مصر": "من أول ما اتجوزنا وأنا اكتشفت إنه عنده علاقات نسائية كتير أوى وعينه زايعة، وشوفت رسايل على "الفيس بوك" مع بنات ولما واجهته اعترف إنه بيضعف، لكن هيقرر يبعد عن كل السكك المشبوهة وصدقته، لحد اكتشفت إنه رجع تاني ليها، ويومها سبت البيت، وعرفت أهلي لكن كنت حامل وطلب مني أسامحه عشان خاطر الطفلة اللي في السكة، وكنت فاكرة إنه تاب وندم زي ما فهمني، لكن ولا حاجة هو زي ما هو ولما خلفت وجبت بنت بقيت أقوله "خاف على بنتك ليترد فيها"، كان أحيانا ضميره يوجعه، وأحيانا يرجع زي ما هو".
وتابعت حديثها قائلة: لحد ما بقيت أخاف يترد في بنتي كل اللي بيعمله كنت عايشة في رعب وخاصة بعد ما غلط مع بنت في محافظة تانية وسابها ومشي بقيت هجنن وقررت إني أطلق منه، وطلبت منه الطلاق ولكن رفض، عشان كدا رفعت دعوى خلع بمحكمة الأسرة وانتظر أولى الجلسات.
تابعوا آخر أهل مصر على Google News
