"فايزة" تطلب الخلع: "معيشني على الفول والطعمية"

تقدمت "فايزة" صاحبة الـ٢٧ عاما بدعوى قضائية أمام محكمة الأسرة لرفع دعوى خلع من زوجها بعد عام وشهرين من الزواج مبررة ذلك بقولها:" من يوم ما اتجوزنا وهو مش بيجيب أي حاجة فى البيت أخره الفول والعيش ويسيبه ويمشي حتى الغدا يتغدى عند أمه، وسايبني أنا مش بدوق اللحمة أو الفراخ غير لما أروح عند أمي، واكتشفت إن فلوسه كلها مع أمه وبيشيل معاها ويدعى الفقر، وهو خايف يصرف عليا مليم واحد ".

وروت الزوجة قصتها لـ "أهل مصر" قائلة: "اتجوزت من سنة وشهرين جواز صالونات عن طريق الأهل، وكنت فاكرة إن ربنا هيعوض صبري خير مع إنسان يصونى، لكن الحمد لله على كل حال اكتشفت إني اتجوزت إنسان قمة البخل، مش بيحب غير نفسه بس، يدوب خلص الأكل اللي جابوه أهلي في الصباحية، ومفكرش يشتري أي حاجة غير الفول والعيش ليا لحد ما القولون العصبي جالي بسببه، وهو عايش ومقضيها عند أمه، أكل وشرب ودلع وسايبني أنا الخدامة بتاعته".

وتابعت حديثها قائلة: "اتخنقت بقيت أروح عند أمي عشان أكل حتة فرخة ولا لحمة، وكمان بيرفض إني أخد منه أي فلوس للعلاج حتى عشان موضوع الخلفة رفض يديني فلوس الكشف، لحد ما بقيت مش طايقة وشه، وقولت لأهلي وصممت على الطلاق ولكن رفض فرفعت دعوى خلع ومازالت الدعوى منظورة أمام القضاء".