تقدم علي بدعوى قضائية أمام محكمة الأسرة لتطليق زوجته وإثبات تهمة الزنا عليها بعد أن تيقن أنها تعرفت على شاب عن طريق مواقع الإنترنت واستغلت فترة سفره خارج المحافظة لتقوم بإحضاره إلى الشقة، وممارسة الفاحشة معه على سرير الزوجية، لينكشف سترها عندما رأى زوجها الرسائل الخاصة بها على الواتس آب، ومن بينها رسائل إباحية وعلم أنها أحضرته مرة إلى الشقة.
وروى الزوج قصته لـ"أهل مصر" قائلا: "لما كنت بدور على عروسة حد من أهلى رشحها ليا على أساس أنها من عائلة طيبة وناس فى حالهم، وفعلا منكرش إنى أهلها كويسين".
وتابع "افتكرت إنها زيهم لكن للأسف اكتشفت أنها شخصية كذابة ومتعرفش عن الأخلاق حاجة لما تستغفلني وتعرف عليها شاب من على النت بعد سنة واحدة من الجواز، وتوصل بيها الجرأة إنها تجيب الشقة وتخونى على سريرى تبقى تستاهل القتل".
وواصل "فعلا أنا لما عرفت وأنا بدور فى الرسايل بتاعتها وهى نايمة لما عرفت الباسورد بتاعها، لأنى كل شوية تغيره، وشوفت علاقتها مع الشاب وإنها نامت معاه كنت هتجنن وضربتها لحد ما كانت هتموت فى إيدى".
وتابع حديثه قائلا: "لحد ما سبتها فى آخر لحظة حسيت إنها متستهلش أضيع مستقبلي عشانها، وخليتها سابت البيت، وطلبت منها إنها تتنازل عن كل حاجة مقابل الطلاق، لكن اتصدمت لما راحت البيت عند أهلها وقالت إنى بكذب ولبستها تهمة عشان تتنازل عن حقوقها وطلعت نفسها البريئة، عشان كدا قررت أقلب عليها وأفضحها لأنها مقدرتش الستر، وقررت أرفع دعوى تطليق وإثبات تهمة الزنا عن طريق الرسايل وحد من الجيران شافه داخل عندها".
تابعوا آخر أهل مصر على Google News
