تقدم محمد بدعوى قضائية أمام محكمة الأسرة لرفع دعوى تطليق ضد زوجته، بعد أن أكتشف شات جنسي بينها وبين أحد الرجال على مواقع التواصل الاجتماعي، وعندما واجهها بذلك أنكرت في البداية، حتى أن صفعها على وجهها اعترفت أنها تحدثت مع هذا الرجل ولم تعرفه من قبل نتيجة لإهمال جوزها وانشغاله الدائم بالمال والعمل، دون الالتفات إلى احتياجاتها الشخصية، ولكن سرعان ما أنكر الزوج هذا الكلام حيث أنه أكد أنه بالفعل يعمل من أجل توفير حياة كريمة لها وخاصة أنها لا تكف عن طلبات ومصاريف للمنزل، ولكن كان يأتي من العمل ويجلس معها ولكن هي تبرر خيانتها حتى لا تشعر بالذنب فقط.
وقال الزوج في حديثه مع "أهل مصر": إنه تزوج منذ 3 أعوام زواج صالونات، ولكن مع العشرة ولدت بينهما المحبة، حيث أنه كان يعمل بوظيفة حكومية وعمل أخر بعد العصر، من أجل أن يوفر حياة كريمة لزوجته وشراء شقة بدلا عن الإيجار، قائلا: "والله كنت بعاملها بما يرضي الله، عمري ما حرمتها من حاجة، حتى أهلي كنت بفضلها عليهم، لكن هي مقدرتش كدا ومعرفتش تصون حرمة بيتي لما راحت اتكلمت مع راجل غريب في شات عن الجنس والعلاقة الزوجية والله أعلم أيه حصل أكتر من كدا، أنا دا اللى شوفته بعيني، لكن معرفش هي كانت بتتكلم مع مين ولا إيه الرسايل اللي مسحتها منها لله دمرت بيتنا وخلتني فقدت الثقة في كل الناس.
وتابع حديثه قائلا : "أنا كنت هقتلها لما شوفت الرسايل دي بالصدفة وهي في المطبخ بجهز عشاء، وسابت الموبايل عادي لأنها متاكدة إني برجع من الشغل مش بحب أشوف تليفونات، لكن حظها السئ إني أشوف الساعة في التليفون اتفاجئ برسالة وصلت ليها، افتحها الاقي أقذر كلمات عن العلاقة الجنسية بينها وبين راجل غريب، ورجعت الرسايل لقيت جزء بس منها واكتشفت إنها بتحذف الرسايل أول بأول، لما واجهتها أنكرت على الرغم إن الرسايل على أكونتها وقدام عيني، وتقولي يمكن حد هكر الأكونت.
وأكمل: مقدرتش استحمل أكتر من كدا، ولقيت نفسي ضربتها، واعترفت إنها عرفت واحد على الفيس بوك ودردشوا مع بعض مجرد كلام بس، لكن متقابلوش ولا شافها، لكن أنا مش واثق فيها، والغريبة إنها بترمي الذنب عليا وتقولي إن أنا اللي وصلتها كدا، عشان شغلي، وطلبت منها نطلق في هدوء لكن هي بجاحتها طلبت تأخد القائمة والدهب واتجننت عليها لما لاقيتها خطفت الموبيل ومسحت الرسايل، عشان كدا طردتها من البيت ورفعت دعوى تطليق وانتظر أولى الجلسات.
تابعوا آخر أهل مصر على Google News
