هدى تطلب الخلع: قطع عني المصروف وبشحت منه الكلمة الحلوة

تقدمت سيدة تدعى "هدى"، بدعوى قضائية أمام محكمة الأسرة لطلب الخلع من زوجها بعد عام ونصف من الزواج، مبررة ذلك بقولها: "عمره ما اهتم بمشاعري، ولا يقول لي كلمة حلوة بحجة أنه إنسان عملي مش بيحب الكلام الحلو والدلع الزيادة، لكن أنا شخصية رومانسية بحس بالحزن لما أشوف واحد بيقول لمراته كلمة حلوة ولا يعملها مفأجاة تسعدها".

وتابعت "هدى" خلال حديثها مع "أهل مصر": "حتى مصروف البيت منعه مني، وأخره يجيب شوية حاجات وخلاص، غير عصبيته الزيادة واللي بتوصل للضرب في أوقات كتيرة"، متابعة: "قبل ما أتجوز كنت بحلم أعيش حياة كلها رومانسية مع جوزي، لأني كنت حارمة نفسي من كل حاجة قبل الجواز، لدرجة أن عمري ما عرفت شاب ولا عملت علاقة مع حد قبل الجواز، لحد ما أتجوزت من شخص بارد المشاعر، ميعرفش يقول كلمة حلوة يحتويني بيها، لدرجة أن الخروج من البيت لازم يكون معه غير الشك الزيادة".

وتابعت حديثها قائلة: "بقيت بشحت منه الكلمة الحلوة وهو مافيش فايدة، ولما اتخانق والحوار يكبر يقول: "أنا كده ومش هتغير وأنتي اتعودي تكملى حياتك بالشكل ده".