محمود في دعوى نشوز: مراتي بتطلب مني فلوس ثمن العلاقة الحميمية معها

لم يتخيل محمود صاحب الثلاثين عاما أن تكون حياته الزوجية بهذا الشكل غير المستقر، وأن تطلب منه زوجته أموالا ثمنا للعلاقة الحميمة التي يمارسها معها دون أي خجل، وإذا امتنع عن إعطائها الأموال التي طلبتها تتشاجر معه وتجعل حياته جحيم على حد قوله، ما جعله يقف داخل محكمة الأسرة بعد عام ونصف فقط من الزواج لرفع دعوى نشوز ضد زوجته بعد أن شعر باليأس من عدم تغير تصرفاتها.

وروى الزوج قصته لـ"أهل مصر"، قائلا: "جوازنا كان صالونات، حد من أقاربي رشحها ليا، ولما سألت عليها وأتاكدت أنها من عيلة متوسطة وكويسة، وتشجعت وتزوجتها، على أساس أصلها الطيب لكن للأسف اكتشفت بعد الجواز أنها غير أهلها، ولا تمتلك أي ميزة مش بتحب حاجة في حياتها غير الفلوس، طول الوقت تطلب فلوس عشان تشتري حاجات ليها وكنت مش بزعلها، لكن هي افتكرت طيبتي معاها ضعف وتجرأت وبقت تطلب مني فلوس فى العلاقة الحميمة".

وتابع حديثه: "كنت بقصر الشر عشان متقولش بخيل كنت بديها اللي عايزه، لكن بقت تتمادى وبقت الفلوس شرط عشان تديني حقوقي الشرعية، وقررت أنها مش هتأخد مني مليم أتجننت وفتحت في الخناق، وبقت متمردة ومنعت نفسها نهائيا عني في الفراش، لحد ما بقيت مش قادر أتحمل أكتر من كده، وقررت رفع دعوى نشوز لما هددتني بالقايمة ومازالت الدعوى منظورة أمام القضاء".