أميرة تطلب الخلع: رفض يصرف على مرضي وقال لي اشتغلي حتى لو خدامة

لم تتخيل أميرة البالغة من العمر ٢٥ عاما أن تكون حياتها الزوجية بهذا الشكل، وأن تهون على زوجها بعد عامين من الزواج أن يطلب منها أن تعمل خادمة فى المنازل لتستطيع الإنفاق على مرضها، مما جعلها تقف داخل محكمة الأسرة لرفع دعوى خلع من زوجها بعد عامين من الزواج مبررة استحالة العشرة معه قائلة "ده إنسان معندوش رائحة الرجولة ولا النخوة وبيهون عليه العيش والملح".

وقالت الزوجة في مستهل حديثها مع "أهل مصر": اتجوزت من سنتين بعد ما خلصت الدبلوم وكانت بينا علاقة عاطفية، ودا اللى شجعنى انى أتجوز والحب موجود، وفعلا اتقدم واتجوزنا بعد خطوبة ٤ شهور، كانت الحياة بينا فى البداية عادية لحد ما بدأ يظهر على وشه الحقيقى بالتدريج لما لقيته بيرفض انى آخد مليم واحد لأى حاجة اشتريها لنفسي، وكله بحساب، وتحملت لحد ما شاء القدر أنى أصاب بمرض فى الرحم والدكتور يطلب منى أبدأ علاج فورى لأنه فى خطورة عليا لو حملت قبل العلاج، وكنت جاية وأنا عايزة اترمى فى حضنه واشتكى له لكن صدمنى لما عرف مرضي وقال لى أنا مش معايا فلوس أصرف على مرضك انزلى اشتغلى ان شاللا خدامة واصرفى على نفسك".

وتابعت حديثها قائلة: كان كلامه صدمة ليا فى عز مرضى وأيقنت أنه شخص لا يعتمد عليه عشان كدا طلبت منه الطلاق أفضل وهو رفض بحجة كلام الناس لحد ما وصلنى انى أرفع عليه دعوى خلع ومازالت الدعوى منظورة أمام القضاء".