"كانت كارثة ليا وصدمة عمري في أختي أكتر من جوزي لما عرفت أنهم على علاقة غير شرعية ببعض وكمان هو بيروح لها الشقة وبقالهم أكتر من 4 شهور بيمارسوا الرزيلة وهم غرقانين في المعاصى، لكن ربنا أراد أنه يكشف سترهم وشوفت رسايل بينهم وصور إباحية وكأنهم اتنين متجوزين، أنا مش عارفة ازاي هونت عليهم بالشكل دا وهان عليهم بناتي وسمعتهم".. جاءت هذه الكلمات على لسان هدى "اسم مستعار" وهي داخل محكمة الأسرة لرفع دعوى خلع من زوجها بعد 6 سنوات من الزواج مبررة استحالة العشرة معه.
وقالت الزوجة، في مستهل حديثها مع " أهل مصر": أنا متجوزة من 6 سنين زواج صالونات وأنا البنت الصغيرة، واختي الكبيرة كانت متجوزة قبلي بكتير، لكن جوزها توفى بعد ما اتجوزت بـ 4 سنين، وأنا ربنا كرمني بطفلتين وكانت الحياة مستقرة مع جوزي، منكرش أنه طيب وبيجيب لينا كل طلباتنا وعمره ما بخل علينا لكن للأسف طلع مش مخلص ولا عنده أي أخلاق، لما راح عمل علاقة مع أختي الأرملة ودخل شقتها، وهي كمان عايشة معاه ولا عمرها فكرت في النار اللي هحس بيها لما أعرف علاقتهم، وفعلا أنا دخلت المستشفى لما شوفت صور أختي على اللاب توب بتاع جوزي وهي من غير هدوم وفي أوضاع قذرة معاه.
وتابعت حديثها قائلة: "ياريتني مت قبل ما أشوف اليوم دا، مقدرتش أتكلم عشان سمعة بناتي مهما كان أبوهم ولا عرفت أوجه اختي ولا جوزي أنا أضعف من إني أقف قدامهم واتحمل اللحظة دي، عشان كدا طلبت من جوزي يطلقني، لكن هو رفض وقعد يقول أنه بيحبني وكلام كدب من اللي كان بيضحك عليا بيه طول عمره، لكن أنا رفعت دعوى خلع بمحكمة الأسرة وقطعت علاقتي بأختي نهائيا، ومأزالت الدعوى منظورة أمام القضاء".
تابعوا آخر أهل مصر على Google News
