"بقاله أكتر من سنة مقاطعني على الرغم أننا عايشين فى بيت واحد وبينا أطفال بسبب خلاف حصل واعتذرت ليه لكن هو مش متقبل اى اعذار وبيعاملنى برسمية وبيقول لى احنا هنعيش مع بعض عشان خاطر الأولاد وبس تخدميهم ويكونوا قدام عينى، اتحملت فى البداية على امل النفوس تهدئ ببننا لكن مافيش واكتشفت انه فى علاقة عاطفية مع واحدة".. نطقت بهذه الكلمات أميرة وهى داخل محكمة الأسرة لرفع دعوى خلع من زوجها بعد ٨ سنوات من الزواج مبررة استحالة العشرة معه بعد ان هجرها فى الفراش لمدة عام كامل.
وروت أميرة قصتها لـ "أهل مصر": "أنا متجوزة من ٨ سنين وكان جواز عن طريق المعارف وانا لما شوفته حسيت براحة معاه على الرغم اننا سالنا عليه واتاكدنا انى والدته ست صعبة فى المعاملة ومتسلطة، لكن انا كنت مطمئنة عشان هعيش فى شقة لوحدى وتخليت انها مش هتعرف تعاملى حاجة ولا تحتك معايا فى اى كلام، لكن للاسف كل حاجة بتحصل فى شقتى مع جوزى كانت بتوصلها منه، وطبعا تملى دماغه باراءها وهو يقلب علينا على طول من كتر تحريضاتها عليا انى المفروض مخرجش ازور أمي، فى حين انها عايزنى اخدمها واروح انضف شقق بناتها المتجوزين، وطبعا دا كانت سبب الخلاف اليومي، وكنت بتجنب على قد ما اقدر عشان احافظ على بيتى والتؤام اللى خلفتهم منه بعد سنتين من الجواز".
وتابعت حديثها قائلة: "وكنت بعدي على الرغم انى امه كانت دايما تهين والدتى وتغتبها، وكنت بقول ست كبيرة مش مشكلة واساعدها عشان اتجنب الخلافات، لحد ما يوم طفح بي الكيل وشد الحوار بيننا ومن غير ما اقصد اهانته فى رجولته وغلط أمه، وكان وقت عصبية وروحت واعتذرت ليه، لكن هو رفض وبقي يعاملنى رسمى جدا لدرجة انه بقاله سنة هجرني عاطفيا وجنسيا عشان كدا قررت ارفع عليه دعوى خلع ومازالت الدعوى منظورة أمام القضاء".
تابعوا آخر أهل مصر على Google News
