دعاء لقاضي الأسرة: زوجي بيمارس العلاقة مع بنات على النت

"اكتشفت إن جوزي بيكلم بنات على النت، وبيدخل معاهم فى علاقات عاطفية وأحيانا بتتطور لعلاقات جنسية، ويقولهم إنه أعزب، وشوفت الرسايل اللى بينه وبين بعض البنات دمى اتحرق وهو بيتحايل عليهم عشان يقابلهم، على الرغم انى جوزي ٣٥ سنة، ولما واجهته عادى اعترف إنه بيحب البنات، ومش هيبطل، وإنه هيلف يلف ويرجع لى".. نطقت بهذه الكلمات دعاء وهى داخل محكمة الأسرة؛ لرفع دعوى خلع من زوجها بعد عام ونصف من الزواج، مبررة بذلك باستحالة العشرة بينهما.

وقالت الزوجة في مستهل حديثها لـ "أهل مصر": "أنا اتجوزت من سنة ونص جواز صالونات، عن طريق الأقارب والأهل، والحمدلله أنا كنت من النوع اللى مش بحب أعمل علاقات مع أي شاب قبل الجواز، لأني بحب الحلال، ولما اتخطبت كنت بحاول أعيش كل اللى نفسي فيه زى أي بنت، واتعلقت بخطيبي جدا لدرجة إني كنت زى الخاتم فى صباعه، لكن هو بدل ما يغلف حبنا دا ، راح مشي مع بنات زى ما هو كان بيعمل قبل الجواز عشان يقضيها معاهم، ومتجوز ست محترمة عشان تعرف تصون بيته".

وتابعت حديثها قائلة: "اكتشفت إنه بيكلم بنات وبيقولهم إنه أعزب، عشان يعرف يضحك عليهم، لدرجة إنه عمل علاقات جنسية مع ستات مطلقات فيهم، كنت هتجنن واتخاقنا لما واجهته واعترف إنه بيعمل كدا من جانب التسلية، وإني اللى فى القلب، ويقول لى "سيبنى حر وهرجعلك"، طبعا كلامه عصبني أكتر، وأصريت على الانفصال وطلبت الطلاق لكن رفض فرفعت عليه دعوى خلع ومازالت الدعوى منظورة أمام القضاء".