"ربنا ابتلاه بمرض الشك"،.. بهذه الكلمات بدأت سحر سرد مأساتها مع زوجها "م.س" الذي رفعت ضده دعوى خلع أمام محكمة الأسرة.
وأوضحت سحرفي حديثها مع «أهل مصر»، أن زوجها متعدد العلاقات النسائية مع الفتيات الساقطات في الشقق المفروشة، وعلى المواقع الإباحية، قائلة: "من كثرة الذنوب اللي عملها أصبح مرعوب إني اخونه أو ربنا يرد اللى بيعمله فيّ أو في إخواته البنات، بقي بيشك فيّ وفى إخواته البنات، لدرجة إنه وصل بيه الحال يمشي ورايا وأنا نازلة الشغل، وطول الوقت يفتش تليفوني ويوجهلي تهم باطلة.
وتابعت: "أنا اتجوزت من سنتين و4 شهور جواز صالونات، وفي فترة الخطوبة مشفتش منه حاجة وحشة كان بيعاملنى كويس ومفيش أي خلافات بيننا، وكنت مبسوطة لدرجة إني كنت بحلم اليوم اللي نتجوز فيه، لحد ما اتجوزنا فعلا ومر شهرين ثلاتة على جوازنا وعيوبه بدأت تظهر قدامي، وكان أول خناقة كبيرة بينا لما شوفت شات إباحي بينه وبين واحدة من على النت، وكلام في منتهى الإباحية، وسبت ليه البيت لكن هو رجعني، واعتذر وقال إنها نزوة ومش هتكرر، لكن اتكررت مرة وتلاتة وأربعة لحد ما بقى شئ معتاد، واتحملت عشان خاطر ابني".
وأردفت سحر: "كنت بنصحه إنه يكون أب كويس عشان خاطر ابننا ويحافظ على منظرنا العام ويبطل اللى بيعمله، لكن مفيش فايدة، بيكذب ويقول بطلت واكتشف إنه أسوء من الأول، لحد ما بقى فجأة كدة بيراقبنى وأنا نازلة الشغل واعمل نفسي مش واخدة بالي، ويفتش فى تليفوني ولما قولت لإخواته البنات قالوا إنه برضوا بيعمل معاهم كده، لحد ما بقى يشك فيّ ويرميني بتهم باطلة وإني على علاقة بشباب، وشتايم قذرة لحد ما طفح بي الكيل".
واختتمت حديثها: لذلك قررت رفع دعوى خلع ضده أمام محكمة الأسرة، وما زالت منظورة حتى الآن".
تابعوا آخر أهل مصر على Google News
