"مكنتش أعرف أنه مريض نفسي ضحكوا عليا هو وأهله، ودبسوني في الجوازة السودة دي كل يوم يصبحني بعلقة موت، بيمارس كل قوته عليا في الضرب في حين أنه بره مع الناس مبيعرفش يتكلم مع حد وجبان، وصل بيه الحال أنه يضربني بالعصاية أثناء العلاقة الزوجية، بقيت تعبانه نفسية زيه، وكل ما أقول لأهلي خايفيين من فكرة الطلاق وأنا لسه عروسة لحد ما قررت أنقذ نفسي من المأساة اللي عايشة فيها".. كلمات موجعة جاءت على لسان منة وهي داخل محكمة الأسرة لرفع دعوى خلع من زوجها بعد 4 شهور من الزواج مبررة استحالة العشرة معه.
وقالت الزوجة، في مستهل حديثها مع أهل مصر: أنا اتجوزت من 4 شهور ومكنتش أعرفه قبل كدا، هم كانوا عايشين في محافظة قريبة منننا، وأنا لما شوفته مكنش ظاهر عليه أي حاجة، ولا بحتة فترة الخطوبة لحد ما أتجوزنا ولقيت نفسي عائشة مع إنسان استحالة يكون طبيعي أبدا بيتعامل معايا بكل عنف وعلى أقل حاجة ألاقيه ضربني بشكل بشع بالحزام والعصي، ودا معايا أنا بس على عكس خوفه من الناس بره أو أهله لدرجة أنى حسيت أنه عنده عقدة نقص وبيطلعها فيا من غير أى رحمة لدرجة أنى لما احكى لحد من أهلى مش بيصدقوا وبيقولوا عليه هادئ وطيب.
وتابعت حديثها قائلة: طلبت منه أنه يروح لدكتور نفسي، لكن أتعصب عليا وكالعادة مش بيعرف يتعامل معايا غير بالضرب وكأنه اتجوزنا عشان يمارس عقده النفسية عليا، حتى في العلاقة الحميمة لازم يضربني بالعصا، مبقتش قادرة وأقسمت لأهلي وأخيرا صدقوا لما شافوا علامات وكدمات في جسمي بسبب ضربه، وعشان كدا وافقوا أخير اني أنفصل عنه وعشان محدش يقول إنه سبنى رفعت عليه دعوى خلع ومازالت الدعوى منظورة أمام القضاء.
تابعوا آخر أهل مصر على Google News
