كريمة بدعوى خلع: "بيشغل أفلام إباحية في الصالة قدام بناتي"

كانت تظن "كريمة" أن زوجها سيأتى يوما ويكف عن مشاهدة الأفلام الإباحية وخاصة بعد أن يدخلوا بناتها من زوجها السابق فى فترة المراهقة، ولكن وجدت العكس أنه يسمع افلام إباحية وسط صالة الشقة دون ادنى حياء، بخلاف نظراته الغير لائقة على بناتها الثلاثة من زوجها السابق، لتشعر بالخوف عليهم وتقرر الوقوف داخل محكمة الأسرة لرفع دعوى خلع بعد ٧ سنوات من الزواج رافضا الامتناع عن الأفلام الإباحية.

وقالت كريمة فى مستهل حديثها مع " أهل مصر": "كنت متجوزة أول واحد وخلفت منه 3 بنات وربنا توفاه، وعشت كام سنة وأنا رافضة اتجوز تانى عشان خايفة على بناتى، لحد ما اتعرفت على شاب كان مطلق ويكبرنى بعامين فقط، وانجذبت إليه من شكله وطريقته فى الكلام، ولما طلب منى الجواز وافقت على طول لأنى كنت اتعلقت بيه واتفقنا نعيش فى شقتى عشان ظروفه متسمحش بالايجار، وكمان انا كنت بشتغل ومرتبي كله على البيت عشان خاطر بناتى.

وأكملت "كريمة"، هو كان كويس لكن مشكلته انه مدمن أفلام إباحية، وكنت خايفة على بناتى منه، لكن كنت بقول انه بيعتبرهم زى بناته وكمان هو بيسمع جوه الأوضة وبس، وحتى شغل بدأ يتكاسل وكنت ماشية الدنيا وساكته لكن بمجرد ما البنات جسمهم كبر وهو نظراته ليهم مش مريحة، وكمان بقي يقعد فى الصالة وهو بيسمع الأفلام الإباحية.

وتابعت حديثها، طلبت منه كتير انه كدا مينفعش ولازم يبطل الحاجات دى عشان خاطر البنات، لكن مافيش فايدة وبقي يرخم على البنات لدرجة انهم مش متقابلين وجوده وخايفين منه، عشان كدا طلبت الطلاق ورفض فذهبت إلى محكمة الأسرة لرفع دعوى خلع وانتظر أولى الجلسات.