لم تتخيل "نسمه" أن زوجها ضعيف إلى هذه الدرجة ولا يستطيع فعل شئ إلا بعد أن تأذن له والدته، والتى تتحكم فى كل ما يخص حياته حتى العلاقة الزوجية بينهما، وفى أى خلاف يهاتف والدته لتأتى لمشاجرة زوجته وتتعدى عليها بالضرب أحيانا مع الإهانات الشديدة لأهلها مما جعلها تقف داخل محكمة الأسرة لرفع دعوى خلع من زوجها بعد عام فقط من الزواج مبررة ذلك بقولها"ميعرفش يعمل حاجة من غير أمه حتى العلاقة الحميمة بيحكى مع والدتى فيها لدرجة انى حسيت أنا حياتنا مكشوفة."
وروت الزوجة قصتها لـ"أهل مصر": "مش عارفة ازاى مقدرتش اكتشف إنه ابن أمه ومش راجل قبل الجواز، كنت ببرر تصرفاته إنه شخص بار بوالدته، وإنه هيكون معايا بنفس الشكل، لكن للأسف اكتشفت بعد الجواز إنه من بر ولا غيره إنه شخص ضعيف مش بيعرف يعمل حاجة من نفسه طول الوقت لازم ياخد رأى أمه، أى حاجة تقوله عليها يعملها لدرجة إنه بيروح يسألها لو هيشترى لينا حاجة فى البيت، وطبعا عشان الولد الوحيد لحماتى، فهى كمان بتدلعه بشكل مبالغ فيه، لحد ما بقي إنسان غير متحمل المسئولية.
وتابعت حديثها قائلة: "اكتر موقف بيعصبنى لما نتخانق أنا وهو على أى مشكلة يجرى على التليفون يتصل على والدته، عشان تيجى تتحانق معايا وكتير كانت بتضربنى وهو يقف يتفرح، لحد ما خلانى مش قادرة أعيش مع حد بالسلبية دى، وكمان والدته ست مفترية ومتسلطة حاشرة نفسها فى كل حاجة، لحد أخر مرة ضربتنى جامد كسرت دراعى بسبب إنه اتصل عليها جابها لما رفض يخلينى أزور والدتى، فقررت الانفصال عنه وعشان اكسر مناخير امه اللى فى السما رفعت عليه دعوى خلع ومنتظرة أولى الجلسات".
تابعوا آخر أهل مصر على Google News
