"من كتر طمعه فيا وفى أهلي بقي يتجرأ ويطلب منى إن اتكلم مع اهلى يبعتوا ليا فلوس، وكنت برفض عشان مكنتش بقدر أطلب منهم حاجة، لحد ما اتفأجت إنه بيطلب منى إني أشترط على أهلي إنهم يملوا الثلاجة لينا كل شهر أكل ولحمة وبيجبرنى إني أطلب من والدى لدرجة إنه خاصمنى شهرين لما رفضت اقول"، نطقت بهذه الكلمات سحر وهى داخل محكمة الأسرة؛ لرفع دعوى خلع من زوجها بعد 8 أشهر من الزواج؛ مبررة استحالة العشرة معه.
وقالت أمانى فى مستهل حديثها مع "أهل مصر": "اتجوزت من 8 شهور جواز صالونات، ووالدى راجل طيب وميسور الحال ماديا ولما اتقدم ليا جوزى والدى وافق على أساس إنه إنسان محترم ومش مشكلة إنه أقل مننا فى المستوى الاجتماعى، واتجوزنا بعد فترة خطوبة استمرت ٤ شهور بعد مساعدة من والدى فى تجهيز الشقة، وبدل ما يشكر والدى طمع فيه أكتر لدرجة إنه بيطلب منى أقوله يعمل لينا مصروف شهرى، وطبعا أنا رفضت لأنى مقدرش أقوله على حاجة زى كدا، ومن هنا بدأت الخناقات وكل يوم يتلكك على أي مشكلة عشان يتخانق ويفتح موضوع إن والدى لازم يساعدنا عشان ظروفنا".
وتابعت حديثها قائلة: "حاولت أفهمه إن والدى مش ملازم يصرف علينا، لكن هو مش راضي يفهم كدا ويقول لى "دى حقك ولازم تطلبي منه"، وصل بيه الحال إنه يطلب منى إن والدى ملزم يملىء التلاجة، لما رفضت خاصمنى شهرين وفضل مستمر على كدا لدرجة انى بطل يجيب طلبات للبيت، وحكيت لوالدى كل حاجة وعرف إنه إنسان طماع، وقررنا نطلب منه يطلقنى ورفض فرفعت دعوى خلع بمحكمة الأسرة ومازالت الدعوى منظورة أمام القضاء".
تابعوا آخر أهل مصر على Google News
