تقدمت شهد البالغة من العمر 25 عامًا بدعوى قضائية أمام محكمة الأسرة بشمال الجيزة، لطلب الخلع من زوجها بعد 9 أشهر من الزواج، مبررة ذلك بقولها 'حصل سوء تفاهم عادي بعد الفرح زي أي حد بينه وبين والدي على مصاريف الزواج وخلافه، والمشكلة عدت ووالدي طيب بخاطره لكن هو خبيث وإنسان مش كويس قطع علاقته بأهلي كلهم لدرجة أنه منعهم يدخلوا شقتنا، ولو حد جه يقابله بطريقة سيئة لحد ما يمشي وخلانى أشوفهم كل شهرين مرة والزيارة ساعة أو ساعتين، ولو اتاخرت الدنيا تتقلب عليا ويشتم ويضربني لحد ما طفح بي الكيل'.
وقالت الزوجة في مستهل حديثها مع 'أهل مصر'، 'اتجوزت من 9 شهور جواز صالونات من مدرس ابتدائي وكنت فاكرة انه هيكون شخص كويس ومحترم ويراعي ربنا فيا، لأنه بيعلم أجيال القيم والأخلاق ولازم يكون قدوة، لكن للأسف خالف كل توقعاتي لما اتجوزنا ولقيت أنه انتهز فرصة خلافه مع والدي في الاتفاقات بتاعت الزواج وبعد الفرح، لما فتحوا مصاريف الفرح حصل سوء تفاهم بين جوزي وأهلي ووالدي قدره واعتذر له، لكن هو انتهز الفرصة عشان يكون في سبب يبعدني عن أهلي'.
وتابعت شهد حديثها، 'منع أهلي من زيارتي بأسلوبه المستفز في الكلام معاهم لدرجة أنهم بطلوا يجوا الشقة عندي نهائيا ولما طلبت أروح أنا ليهم لقيته حدد ساعتين كل شهرين، ووالدتي تعبت ودخلت المستشفى مفكرش يرفع سماعة التليفون عليها، لحد ما أهلي بقوا يبادلوه نفس المشاعر والكره بقى بينهم حتى أنا بقيت مش قادرة أعيش معاه ورفعت عليه دعوى الخلع بعد ما رفض يطلقني ومنتظرة أولى الجلسات'.
تابعوا آخر أهل مصر على Google News
