سارة أمام محكمة الأسرة "شوفته في حضن صاحبتي وبيقولي نزوه وتعدي"

' كنت عايشة فى إهانة وعذاب 3 سنين معاه، بشتغل وبصرف على البيت ومتحملة وادعيله بالهداية، لكن مستحملتش أني أشوفه في حضن صاحبتي وعلى سريري، وبيعاملني كأنها نزوه وعدت عادي ومحسش بقهرتى وعذابي' كانت هذه بعض الكلمات التي نطقت بها سارة وهى داخل محكمة الأسرة لرفع دعوى خلع من زوجها بعد ٣ سنوات من الزواج مبررة استحالة العشرة معه بعد أن قام بخيانتها مع صديقتها.

٣ سنين جواز

قالت الزوجة فى مستهل حديثها 'أنا عارفة اني اخترت غلط لما وافقت انى اتجوز واحد زيه، ولكن النصيب ، اكتشفت كل عيوبه بعد الجواز مش بيتحمل مسؤولية لدرجة انه اضطرني أنزل أشتغل عشان اعرف اشتري طلبات البيت وتحملت ورفضت حد يعرف عننا حاجة، كنت بكبره قدام الناس ولا حكيت انى أنا اللى بصرف على البيت، وياريت هو كان بيقدر كدا، دا كان بيضربنى ويهنى حتى السب بأبشع الألفاظ، واتحملت على أمل انه يتغير، ويتصلح حاله لكن عمره ما حس بيا'.

خانى مع صحبتى

وتابعت سارة لـ'أهل مصر': 'استحملت منه كل حاجة وكان ممكن اتحمل أي حاجة إلا إني اشوفه في حضن صاحبتي وعلى سريري، وقفت مصدومة لحد ما صحبتى لبست هدومها ومشيت وهو قرب منى يقول لى: معلش نزوه وعدت ومش هتكرر، وكأنه كان شارب سيجارة مثلا ومعملش حاجة أو من الطبيعي اني اشوفه بيخوني مثلا، طلبت منه الطلاق ورفض مالقتش قدامى غير محكمة الأسرة لرفع دعوى خلع ، والدعوة منظورة أمام القضاء'.