تقدم أيمن بدعوى قضائية أمام محكمة الأسرة بزنانيرى لرفع دعوى نشوز ضد زوجته بعد عام ونصف من الزواج فقط مبررا ذلك ' خدعتنى وكانت بتمثل الطيبة ولما قفشتها بتتكلم فى التليفون مع واحد وشافتني جريت و خبطتنى على دماغى فتحتها واخذت تلفونها والدهب وجريت على بيت أهلها، ولما فوقت وحكيت لأهلها اللى حصل رفضوا يصدقونى وصدق كلامها إنى كنت اضربها راحت دافعت عن نفسها وتفاجأت بيهم رفعوا عليا قضية بالقائمة والذهب على الرغم أنه معاها'.
زواج سنة ونصف
قال الزوج:' من اول ما شوفتها عجبتنى ورغم انى اهلى رفضوا إنى اتجوزها عشان مش مرتاحين ليها ولكن صممت على أن أتزوجها، واتجوزنا فى شقة بعيد عن بيت أهلى حسب شروطها و اشتريت ليها الدهب اللى نفسها فيه، كنت زى الخاتم فى أيدها هى وأهلها، كنت فاكرها ملاك لكن طلعت خاينة وكذابة، وطعنته فى شرفى، كنت راجع من الشغل وجايب كل الطلبات اللى كنت محتاجاها، وفتحت الشقة بهدوء عشان أفاجئها ولكن سمعت صوتها من أوضه النوم وهى بتكلم واحد فى العلاقة وواجهتها واتهمتها بالخيانة، وفجأة لقيتها ضربتني على دماغى بحديدة.
هربت لأهلها
وتابع الزوج حديثه لـ'أهل مصر':' وسابتنى غرقان فى دمى وهربت واتحملت وكلمت حد من أهلى وروحت المستشفى، ورحت لأهلها وحكيت معاهم اللى حصل وكذبونى وصدق كلام بنتهم الكذب أنى كنت أضربها وهى دافعت عن نفسها، واكتشفت أنها أخذت الذهب معاها والتليفون عشان ميبقاش دليل عليها وبعد يومين لقيتهم رفعوا عليا دعوى بالقائمة فلم أجد سوى الذهاب إلى محكمة الأسرة لرفع دعوى نشوز ومازالت الدعوى منظورة أمام القضاء.
تابعوا آخر أهل مصر على Google News
