أسماء فى دعوى خلع: "قاعد على القهوة وبيضربني وبيشغلنى فى البيوت"

'من أول ما اتجوزنا وهو قاعد على القهوة مبيعملش حاجة ممكن يشغلنى أي حاجة مقابل أنى أجيب له فلوس يصرف، اتجوزته عشان أهرب من ابويا اللى ليل ونهار يضرب فيا عشان أعيش فى جحيم أكبر مع جوزى'.. نطقت بهذه الكلمات أسماء وهى داخل محكمة الأسرة بزنانيرى لرفع دعوى خلع من زوجها بعد عام ونصف من الزواج مبررة استحالة العشرة معه بعد أن ذاقت الأمرين معه.

هربت من قسوة أبويا

قالت الزوجة: 'هربت من قسوة أبويا، كان صعب جدا وديما بحسه بيكرهنى وامى ضعيفة قدامى متقدرش تعمل حاجة حتى لما اتقدم لى جوزى عشان يخطبنى مسالش عليه وصدق لما جوزنى ليه عشان يخلص مننا احنا ٤ بنات، وأنا وافقت عشان أهرب من قسوته، ولقيت نفسي طلعت من قسوة أبويا لجحيم جوزى اللى الحشيش واخد عقله، حياته كلها يقعد على القهوة ويسهر يشرب حشيش مع أصحابه، وأجبرنى أنزل أشتغل فى البيوت وخدمتها عشان أصرف عليه وعلى البيت، كرهت حياتى كلها.

رفع دعوى خلع

وتابعت حديثها لـ'أهل مصر': 'فكرت كتير انتحر لما عذبنى عشان رفضت أنزل أشتغل فى البيوت لما تعبت، حسيت انى عمرى ضاع لحد ما اتعرفت على واحدة كنت بشتغل عندها وعرفت حكايتى وقررت تساعدنى ووفرت ليا أوضة أعيش فيها وشغل وطلبت منه الطلاق لكنه رفض سبت البيت من وراه ورفعت قضية خلع ومستنية الحكم.