سائق توكتوك يعيد 140 ألف جنيه لصاحبها.. "مفكرتش غير إنه ممكن يجيله جلطة" (فيديو)

قال سائق التوكتوك الأمين، عم محمد، الذي أعاد مبلغا كبيرا وجده في التوكتوك الخاص به، إلى صاحبه، إنه عثر على مبلغ قدره 140 ألف جنيها داخل التوكتوك الخاص به بعدما قام بتوصيل أحد الأشخاص، وقرر إعادتها إلى صاحبها، على الرغم من أنه شخص غارم وعليه الكثير من الديون، مشيرا إلى أنه فوجئ عندما رأى المبلغ فى أرضية التوك توك.

وأضاف 'عم محمد' فى مداخلة هاتفية ببرنامج '8 الصبح' المذاع على قناة ' دي إم سي'، أنه ذهب إلي بيته وترك الفلوس في أمانة زوجته لحين إيجاد صاحب المبلغ، مضيفًا أنه ظل يبحث عن صاحب المبلغ فترة طويلة حتى وجده.

وذكر 'عم محمد'، أنه كان يعمل شيالا، ولكن بعد فترة مرض وأجرى عملية جراحية في ظهره: 'مبقتش قادر اشتغل، والديون اتكومت عليا، فنزلت على توكتوك آكل منه عيش، بس عمري ما أأكل ولادي حرام'.

وتابع 'سائق التوك توك' قائلًا: 'أنا مش معايا موبايل، وخدت تليفون أخويا واتكلمنا مع ناس كتير إن اللي يلاقي صاحب الفلوس يقول لي، كنت بجري وكأنها فلوسي، خايف صاحبها يجراله حاجة أو يجيله جلطة ولا يموت عشان ضاعت منه، دا كان أهم حاجة عندي ومفكرتش غير في كده، ومبصتش لجنيه منها، الغنى غنى النفس، والحمدلله لقيناه في بلد تانية وروحتله لحد عنده واديته الشنطة وفلوسه مش ناقصة جنيه'.