فتاة "فوتوسيشن سقارة ": مثلي الأعلى سعاد حسني.. ومكنتش بتصور لصالح حد

قالت سلمى الشيمي، فتاة "فوتوسيشن سقارة"، أنها دخلت مجال الأزياء وكان مثلها الأعلى الفنانة سعاد حسني، وبعد أن أتمت مرحلة الثانوية، استكملت مشوار عملها في هذا المجال.

وعن جلسة التصوير، وقالت الشيمي: أنا مصدومة.. قطعت تذكرة زي أي حد، ودفعت فلوس تصريح، ودفعت لشخص مش مسؤول في المكان، هو طلب مني 1500 جنيه وقال لي هيعديني، وفي أماكن تانية بنصور فيها مبيكونش فيها ورق، ومكنش عندي فكرة أني لازم أخد ورقة مختومة بالتصريح.

وخلال لقائها مع الإعلامى شريف عامر ببرنامج "يحدث فى مصر"، المذاع على قناة mbc مصر، تابعت الشيمي: مكنتش بصور في مكان مغلق، و حواليا ناس كتير، ولو بعمل حاجة غلط مش هعملها قصاد الناس، والموضوع انتهى بكفالة 500 جنيه، والقضية مازالت شغالة.

واختتمت الشيمي: من وقت لآخر بعمل فوتوسيشن، ولما نزلت صور الفوتوسيشن ده فوجئت من رد الفعل الجميل من دول عربية وأجنبية، والسيشن ده مكنش لصالح حد، أنا زي أي حد شوفت صور وحبيت أعملها بس بطريقتي، واتصدمت لما لاقيت نسب الشير بتزيد بسرعة.